நீ இன்னும் வளரும் வல்லரசுதாண்டா சொல்றத கேளு

செப்ரெம்பர் 16, 2011 § 1 பின்னூட்டம்

டுவிட்டரில் கூடங்குளம்

இந்திய அணு உலைகள் பாதுகாப்பானது என்கிறார் மன்மோகன். அவர் எப்பவும் இப்படித்தான் ஆரம்பிப்பார். #koodankulam

உங்கள் கழிவுகளை எல்லாம் கொட்டுவதற்கு
கடல் ஒன்றும் குப்பை தொட்டில் அல்ல மீனவனுக்கு அதுதான் வாழ்வாதாரம் #koodankulam

அணு கழிவுகளை உங்கள் வாழ்விடத்தில் கொண்டுவந்து கொட்டினாலும் அணு உலையை ஆதரிக்கும் நல்லவர்களா நீங்கள் #koodankulam

நாளை டுவிட்ட மின்சாரம் தேவையே என்று பல டுவிட்டர்கள் தயங்குகிறார்கள் # உங்க நேர்மை பிடிச்சிருக்கு டுவிட்டர்களே #koodankulam

நாளைக்கு அணு உலை வெடிச்சா நாலு மாவட்டம் காணாம போயிடும் .நமக்கு ஒவ்வொரு தமிழனும் தேவை மச்சி #koodankulam

கூடங்குளம் போராட்டம் இன்று நேற்று முளைத்த போராட்டம் அல்ல. நீண்ட நெடிய போராட்டத்தின் தொடர்ச்சியே நாம் காண்பது. #koodankulam

அமெரிக்க உலை என்றால் எதிர்ப்பதும் ரசியா என்றால் அமைதி காப்பது கம்யுனிஸ்ட்களின் பணி.செவப்புசட்ட போட்டவன் பொய்சொல்ல மாட்டானாம் #koodankulam

கச்சதீவாகட்டும் கூடங்குளமாகட்டும் மக்களிடம் கருத்து கேட்டா எதையும் முடிவு பண்ணுறானுங்க.பலியாட்டை கேட்டா பலி கொடுக்குரானுங்க #koodankulam

காங்கிரஸ் கழுகு தமிழகத்தை தொடர்ந்துசுற்றுகிறது
எங்காவது தமிழனின் பிணம் கிடைக்குமா? என்று #koodankulam

எவன கேட்டுடா ஒப்பந்தம் போட்டீங்க? தமிழன் என்ன எடுப்பார் கைப்பிள்ளையா? #koodangkulam

விவாசாயிகள் மீனவர்களின் வாழ்வாதாரத்தை அழித்துவிட்டுத்தான் உங்கள் வசதிவாய்ப்பை பெருக்கிகொள்ள வேண்டுமா? #koodangkulam

உள்துறை எச்சரிக்க தவறிவிட்டது என்று மன்மோகன் மீண்டும் வாசிப்பார் அதைகேட்க தமிழன் எவனும் உயிரோடு இருப்பானா என்பதுதான் கேள்வி #koodangkulam

தீ சுடும் என்று ஜப்பானியர்கள் ஏற்கனவே சொல்லிவிட்டார்களே தமிழர்களை தீயில் இறக்கிவிட்டுத்தான் இந்தியா தெரிந்து கொள்ள வேண்டுமா? #koodangkulam

தயவு செய்து எங்கள் பிணங்களுக்கு கற்று கொடுங்கள் நீங்கள் வழங்கும் இழப்பீடுகளை பெற்று கொள்வது எப்படி என்று. #koodangkulam

எங்கள் வாழ்வாதரங்களை பழி கொடுத்துவிட்டு நீங்கள் தரும் இழப்பீடுகளை வைத்துக்கொண்டு என்ன செய்வது? #koodangkulam

ரசிய தொழில் நுட்பமோ அமெரிக்க தொழில் நுட்பமோ போகப்போவது தமிழன் உயிர் என்பதால் ஒன்றிணைந்து தடுத்து நிறுத்துவோம் #koodangkulam

ஆமா எங்கள் மீனவர் போராட்டம் எதனால் கண்டுகொள்ளப்படவில்லை அவர்கள் காந்தி குல்லா அணியாததாலா? இல்லை IIT யில் படிக்கததாலா? #koodankulam

இங்கு ஒரு பிரச்சனை என்றால் நீங்க இத்தாலிக்கு போயிடலாம் எங்கள் வாழ்வும் சாவும் இங்குதான் என்பதால் எதிர்க்கிறோம் #koodankulam

இத்தாலியில் இருந்து தலைவியை இறக்குமதி செய்தது போல வெளிநாட்டிலிருந்து மின்சாரம் கொண்டு வா காங்கிரஸ்காரனே! #koodankulam

தெரியாமத்தான் கேட்கிறேன் இந்தியா என்ன ஜப்பானை விட அவ்ளோ பெரிய அப்பாடக்கரா? # கடைய மூடுடா #koodankulam

அன்று தனுஷ்கோடியை கடல் தின்றது எஞ்சி நிற்கும் தமிழகத்தை அணு தின்ன அனுமதியோம் #koodankulam

பரமக்குடியில் ஏழு தமிழர்கள் பிணத்திற்கு அழுது கொண்டிருக்கிறோம் ஏழுகோடி தமிழருக்கும் சமாதி ரெடியாகிறது அணு உலை என்ற பெயரில் #koodankulam

அணு உலை வெடித்தாலும் எனக்கு தெரியாது என்று எளிதாக சொல்லக்கூடிய மண்மோகன் ஆட்சியில் எதுவும் நடக்கலாம் விழித்திடு தமிழகமே #koodankulam

அணு உலை பாதுகாப்பானது என்றால் ஒவ்வொரு அமைச்சர் வீட்டருகிலும் அணு உலை அமை. #koodankulam

நிலத்தடி நீரை உறிஞ்சி விவாசாயிக்கு ஆப்பு. அணு கழிவுகளை கடலில் கொட்டி மீனவனுக்கும் ஆப்பு. சிந்திப்போம் தமிழர்களே #koodankulam

வல்லரசுகளே அணு உலைகளால் அல்லாடுகின்றன நீ இன்னும் வளரும் வல்லரசுதாண்டா சொல்றத கேளு #Koodankulam

இழவு வீடுகளில் சங்கு ஊதுவார்கள் கூடங்குளம் அணு உலையில் சங்கு ஊதத்துவங்கினால் தமிழகமே இழவு வீடாகும். #Koodankulam

இவனுக தரப்போகும் 500 டாலர் இழப்பீடு எப்படி திருப்பதரும் அவர்களின் வாழ்வையும் வாழ்வாதரத்தையும் #Koodankulam

தமிழகத்தின் தலைமாட்டில் உக்கார்ந்து சங்கூத காத்திருக்கும் அணு அரக்கனை துரத்தி அடிப்போம் #Koodankulam

இன்று மீனவன்தானே பாதிக்கப்படுகிறான் என்று அமைதியாக இருந்தால் நாளை அது நமது தலைமுறையையும் பாதிக்கும் ஆகவே குரல்கொடுப்போம் #koodankulam

போபாலில் நடந்தது தமிழ்நாட்டிலும் நடந்திடாமல் தடுக்க குரல் கொடுப்பீர் அணு உலைக்கு எதிராக #koodankulam

இந்த ஸ்பெக்ட்ரம் ஊழல் எதுவரை செல்லும்?

ஜூலை 27, 2011 § 1 பின்னூட்டம்

இந்த ஸ்பெக்ட்ரம் ஊழல் எதுவரை செல்லும்?

 

கடந்த வாரம் அலுவலக வாகனத்தில் வந்து கொண்டிருந்தபொழுது அருகே அமர்ந்திருந்த வடக்கத்தி ஆள் ஆரம்பித்தான் ” நீங்க தமிழ்நாடா?” என்று  “ஆமா” என்றேன். எடுத்த எடுப்பிலேயே ஸ்பெக்ட்ரம் குறித்து ஆரம்பித்தான். உங்க ஆட்கள் திருடர்கள்  என்ற ரீதியில். விவாதிக்கும் மனநிலையில் நான்  இல்லையென்றால் “Your people” என்று வார்த்தை கொஞ்சம் கோபத்தை கிளறியது. கலைஞர் மாதிரி நீங்க ஆரியர்கள் அப்படித்தாண்டா பேசுவீங்கன்னு சொல்ல முடியாதே. அதனால் எல்லா மாநிலமும் அப்படித்தானே என்ற அளவில் பதில் சொன்னேன். வாகனத்தில் இருந்த அடுத்தவன் ஆரம்பித்து வைத்தான் தமிழ்நாடு அரசியல்வாதிகள் அதிகமான ஊழல்வாதிகள் என்று. ங்கொய்யால இன்னைக்கு ஒரு முடிவோடதான் வந்திருக்கானுங்க  என்னத்தான்யா சொல்லவரிங்க என்று கொஞ்சம் கவனிச்சா பேசிட்டே போறானுங்க. ஏதோ தமிழ்நாட்டுல இருக்குற அம்புட்டு பேரும் ஸ்பெக்ட்ரம் பணத்தை ஆட்டையை போட்டுட்டு இவனுங்களுக்கு சுண்னாம்ப தடவின மாதிரியும் தமிழ்நாடு தவிர வேறு எந்த மாநிலத்துலயும் இதுவரை எவனும் எந்த ஊழலும் செய்யாதது மாதிரியும்.அதுல திரும்ப திரும்ப Your People வேறு. கொஞ்சம் கடுப்போட சொன்னேன் “ஏதோ தமிழ்நாட்டில நாங்க எல்லாம் அப்படித்தான் ராசா ஊழல் செய்வார் அதை யாரும் கண்டுக்க கூடாதுன்னு சொன்ன மாதிரில்லையா பேசிட்டு இருக்கீங்க?” என்றேன் “இருந்தாலும் Your People தான ஓட்டு போட்டது” ங்கிறான். இதெல்லாம் வட இந்திய ஊடகங்கள் தொடந்து பார்ப்பதால் அவர்களுக்கு இருக்கும் ‘தெளிவு’ . காங்கிரசிற்கு ஸ்பெக்ட்ரம் ஊழலில் இருக்கும் தொடர்பு குறித்து  கேட்டால். மவுன சிங் அப்பழுக்கற்றவர் என்கிறார்கள். “அப்பழுக்கற்றவர் என்றால் ஊழல் நடக்கும் பொழுது என்னய்யா பண்ணிட்டு இருந்தாரு?” என்று கேட்டால். அவர் சொன்னதை Your People கேட்கலையே? என்கிறார்கள். அமாண்டா நாங்கதாண்ட திருடினோம் என்று சொல்வதற்குள் அலுவலகம் வந்துவிட்டதால் விவாதம் அத்தோடு முடிந்தது. ராசாவை உத்தமன் என்று நாம் ஒருவார்த்தை கூட இதுவரை சொன்னதில்லை. இவ்வளவிற்கும் ராசா கனிமொழி கைதை மகிழ்ச்சியோடு பார்த்திருக்கிறோம். தயாநிதி கைது எப்பொழுது என்று ஆவலோடு காத்திருக்கும் ஆட்கள் நாம். ஆனால் நான் சொல்லும் இவர்கள் மாத்திரம் அல்ல வடக்கிந்திய ஊடகங்கள் முதற்கொண்டு ஏதோ நாமதான் கூட்டு சேர்ந்து கொள்ளை அடித்தோம் என்பது போல. ஸ்பெக்ட்ரம் விவகாரத்தை தமிழர்கள் மீது இருக்கும் வெறுப்பை வெளிப்படுத்த ஒரு வாய்ப்பாக பயன்படுத்தி கொள்கிறார்கள்.

நேற்றுதான் ராசா தனது வாயைத்திறந்து சிதம்பரம் முதல் பிரதமர் வரை இழுத்து இருக்கிறார். ஸ்பெக்ட்ரம் விவகாரம் இன்னும் பல தலைகளை இழுத்துவரக்கூடும் என்று பரவலாக செய்திகள் வருகின்றன. தயாநிதி சிதம்பரம் என்று அடுத்தும் தமிழர்களே அந்த பட்டியலில் இருக்கிறார்கள். இவ்வழக்கு துவங்கிய நாள்முதலே ராசா இதைத்தான் சொல்லிட்டு இருக்கிறார். நடந்தது எல்லாம் மன்மோகனுக்கு தெரியும் என்று. இப்பொழுது வெளிப்படையாக நீதிமன்றத்திலேயே கூறியிருக்கிறார். இதுவரை குறிப்பிட்டு சொல்லும்படியாக மன்மோகன் இந்த விடயத்தில் எதுவும் பேசியதில்லை. வழக்கின் துவக்கம் முதலே காங்கிரசிற்கு இதில் இருக்கும் பங்கு அமுக்கமாக பேசப்பட்டு வந்தாலும் வெளிப்படையாக இதுபோல எதுவும் வெளிவந்ததில்லை. வடக்கிந்திய ஊடகங்கள் கொஞ்சம் அடக்கி வாசிக்க துவங்கி இருக்கின்றன அ.ராசா கூறியதில் சிதம்பரம் தயாநிதி குறித்து மாத்திரம் பூதக்கண்ணாடி கொண்டு பெரிதுபடித்தி கொண்டிருக்கிறார்கள். மன்மோகன் சம்மதத்தோட எல்லாவற்றையும் செய்தேன் என்று அராசா கூறியதற்கு. சேனல் -4 இனப்படுகொலை ஆவணத்திற்கு அமைதி காத்தது போல காக்க முடியாது என்பதை மன்மோகன் நன்கு அறிவார்.

உண்மையிலேயே நீதிமன்றத்திற்கு இந்த ஊழலை விசாரிக்க வேண்டும் என்று அக்கறை இருந்தால் மன்மோகனையும் அவரது ரிமோட் கண்ட்ரோலையும் விசாரணை வாளையத்திற்குள் கொண்டு வரட்டும். எத்தனை நாளைக்குத்தான் I don’t know என்று  “Your People”  சொல்லிக்கொண்டு இருப்பீர்கள் என்று பார்ப்போம். மன்மோகன் கூறியதை கேட்கவில்லை என்றால் ஸ்பெக்ட்ரம் விறபனையை தடுத்து நிறுத்தி இருக்க வேண்டியதுதானே அப்படி தடுத்து நிறுத்தாமல் சிங்கை தடுத்து நிறுத்தியது யார்? அவர்களையும் நீதிமன்றம் வரவழைக்க வேண்டும்.ஒரு தமிழனாக ராசா கனிமொழி குற்றமற்றவர்கள் என்று சொல்லுவதல்ல நமது பணி இதில் தொடர்புடைய காங்கிரசு  பெருந்தலைகளையும்  இழுத்து வருவதே.

முள்ளிவாய்காளில் ஈழத்தில் தமிழர்கள் கொத்துகுண்டுகளில் செத்து கொண்டிருந்தபொழுது கூட்டணி பேரம் நிகழ்த்தி திமுக வாங்கிவந்த மூன்று காபினட் அமைச்சர்களில் இரண்டை காலி செய்துவிட்டார்கள். ராசா உள்ளேயும் தயாநிதி உள்ளேயா அல்லது வெளியேயா என்று தெரியாமலும் இருக்கிறார்கள். அடுத்ததாக ஜெயலலிதா அழகிரிக்காக ஆப்பு தயாரித்து கொண்டிருக்கிறார்.  கேவலம் இந்த பதவிகளுக்காகத்தான் கருணாநிதி ஈழத்தமிழர்களை கைகழுவினார். இன்று காங்கிரசு திமுகவை கை கழுவ முயல்கிறது. அனைத்து ஊழல் அவதூறுகளையும் திமுக பக்கமாக திருப்பிவிட்டு தான் தப்பித்துகொள்ள முயல்கிறது. ஈழத்தமிழ் மக்களை கைவிட்டது போல தனது மக்களை கருணாநிதி கைவிட மாட்டார் என்று நம்புவோமாக. இப்பொழுதாவது ஸ்பெக்ட்ரம் ஊழலில் தங்கள் கூட்டாளியை காட்டிகொடுத்து அப்பழுக்கற்றவர்களாக நடித்து கொண்டிருப்பவர்களை அம்பலப்படுத்துவர்களா? அல்லது தானும் அவமானப்பட்டு நமக்கு அந்த அவமானத்தை தேடித்தருவார்களா? என்று பொறுத்திருந்து பார்ப்போம். எவனெவனோ ஊழல் செய்ததற்கு நாம் பதில் சொல்ல வேண்டியிருக்கிறது. என்ன வாழ்கைடா இது?

 

இங்கு குருவிகள் கூடி கத்துகிறோம் கொலைகார கழுகளின் தூக்கம் கெடுக்க டிவிட்டரில் #tnfisherman

பிப்ரவரி 2, 2011 § 1 பின்னூட்டம்

 

டிவிட்டரில் தமிழக மீனவர் படுகொலையை கண்டித்து கூக்குரலிட்ட குருவியின் கதறல்கள் சில :

டிவிட்டரில் தொடர: http://twitter.com/#!/tamizhanban08

 

நானில்லைஎன்றாலும் ஒருநாள் என்மகன் திருப்பி அடிப்பான் என்ற நம்பிக்கையில் உங்கள் துரோகங்களை சொல்லி சொல்லி வளர்கிறேன் #tnfisherman

“விதவை கோட்டாவில் உங்க அன்னைக்கு இந்தியா. எங்காத்தாவுக்கு சத்துணவு கூடமா?” – மீனவனின் மகன் #tnfisherman

இன்னும் சில தமிழ்மீனவர்கள் உயிரோடு இருக்கிறார்கள் நிருபமா சுட்டி காட்டினார் ராசபக்சே அதிர்ச்சி கருணா மகிழ்ச்சி #tnfisherman
மீன்பிடித்தலின் மூலம் வரி உங்களுக்கு வாக்கரிசி எங்களுக்கா? #tnfisherman

இப்போதெல்லாம் கருணாவின் கடிதங்களை பார்த்தால் தபால்காரரே சிரிக்கிறாராம். #tnfisherman

 

செத்தவனுக்கு அரசுவிழா மணிமண்டபம் எல்லாம் எவன்டா கேட்டா? இங்கு இருக்கும் மீனவனின் உயிருக்கு உத்திரவாதம் இல்லாத பொழுது #tnfisherman

 

வீரமணிக்கு சுபவீக்கும் மீனவர் பிரச்சனை பத்தி ஏதும் தெரியுமா? இன்னும் சுபவீ ஸ்பெக்ட்ரம் சில உண்மைகள் எழுதிட்டு இருக்கு #tnfisherman

இந்துராம் அடுத்த சிங்களரத்னாவிற்கு அடிப்போடுறார் போலிருக்குராசபக்சே இது போன்ற அடிமைகள் கிடைக்க கொடுத்து வைச்சிருக்கவேண்டும்.#tnfisherman

இந்து ராம் வீட்டு சந்துல எவனோ ஒன்னுக்கு அடிச்சிட்டானாம் தலை ரெம்ப கடுப்புல இருக்கு என்னமாதிரி சமூகம் இதுன்னு #tnfisherman

இந்திய பிரதமர் சிங்காச்சே மீனவர் பிரச்சனையில் சிங்கம் போல கர்ச்சிப்பார் என்று பார்த்தால் மியாவ் என்கிறாரே?#tnfisherman

சொரணை இந்திய இறையாண்மைக்குஎதிரானது ! #tnfisherman

இன்னும் எத்தனை மீனவர்கள் செத்தால் நீங்கள் எங்கள் வேதனையை புரிந்து கொள்வீர்கள்?#tnfisherman

நாம் சொன்னபடி மாணவனை அடிக்கவில்லை என்பதால் நமது மீனவனை அடிக்கிறானோ? #tnfisherman

நீதான் அவனை நண்பன் என்கிறாய் அவன் பதிலுக்கு தோட்டாக்களால் புன்னகைக்கிறான் இதுதான் நட்புநாடா? #tnfisherman

இத்தனை இனமானத்தலைவர்கள் இருந்தும் அடிபட்டு அமைதியாக சாகிறதே தமிழினம். #tnfisherman

புத்த பிக்குகளுக்கு ஒரு அடிக்கே இத்தனை அலறல் என்றால் ஏன்டா  ஐநூத்தி சொச்சம் மீனவர்களின் அழுகுரல் உங்களுக்கு கேட்கவில்லை?#tnfisherman

இது என்னடா இது தமிழன் பொறுமையில் எருமையை மிஞ்சி விடுவான் போலிருக்கிறதே #tnfisherman

பார்த்து செல்லுங்கள் நிருபமா நீங்கள் செல்வது பிணத்தையும் புணர்ந்தவர்களின் தேசம். #tnfisherman

யாருய்யா அந்த புண்ணியவான் கருணாவிற்கு தமிழினத்தலைவன் என்று பட்டம் கொடுத்தது எவனோ கொடுத்த காசுக்கு மேல கூவி இருக்கான்யா!#tnfisherman

சங்கம் வைத்து தமிழ் வளர்த்தோம் அன்று தவறானவர்களின் கையில் ஆதிகாரத்தை கொடுத்தமையால் சங்கு அறுந்து இறந்து கொண்டிருக்கிறோம் #tnfisherman

புத்த மாடாலய தாக்குதலில் வரும் பதட்டம் எங்கள் மீனவன் செத்த பொழுது ஏன் வரவில்லை? எங்கள் உயிர் அவ்வளவு மலிவா #tnfisherman

இந்தியதலைவர்களே எங்களுக்கு ஆயுதம் கொடுங்கள் இல்லை அவனை ஆயுதமில்லாமல் வரச்சொல்லுங்கள் நாங்கள்பார்த்துகொள்கிறோம்#tnfisherman

எஸ்வி சேகர் என்னும் பப்ளிசிட்டி பைத்தியம்!

ஜனவரி 28, 2011 § 8 பின்னூட்டங்கள்

எஸ்வி சேகர் என்னும் பப்ளிசிட்டி பைத்தியம்!

இப்போதெல்லாம் எங்கெங்கே ஈழத்தமிழர் படுகொலை, போர்குற்றம், மீனவர் படுகொலை என்று பேசுகிறோமோ அங்கெல்லாம் குழப்பம் விளைவிக்கவே ஒரு கூட்டம் அலைந்து கொண்டிருக்கிறது. வலைப்பூக்களாகட்டும் முகநூல் ஆர்குட் என்று அனைத்து இடங்களிலும் சிங்களப்பேரினவாதம் குறித்து ஏதும் விவாதம் நடந்துவிடாதபடி ஒட்டுக்குழுக்களின் தாக்கம் அதிகமாக இருக்கிறது.  இந்த ஒட்டுக்குழுக்களை விட ஒரு ஒட்டுண்ணி இந்திய தேசியகொடியை சட்டையில் குத்திக்கொண்டு ஊடகங்களில் செய்யும் அலும்பு சொல்லிமாளாதது.

இந்த பைத்தியம்தான் அடுத்த எம்ஆர் ராதாவென்று செம்மொழி கொன்றானே கூறிவிட்டார் என்றால் பார்த்து கொள்ளுங்கள். விஜய் தொலைக்காட்சி நடத்தும் “நடந்தது என்ன?” என்ற நிகழ்ச்சியில் சில நாட்களுக்கு முன்னாள் திருவாளர் எஸ்வி சேகர் தனது தகப்பனாரின் ஜீவ ஆத்மாவோடு தினந்தோறும் நடத்தும் விவாதம் குறித்து உளறியது. இதைவேறு ஆவியுலத்தோடு நேரடி தொடர்பில் இருக்கும் பிரபலங்கள் என்று எஸ்வி சேகர் அவிழ்த்துவிட்ட கட்டுக்கதைகளை புலனாய்வு என்று பீத்தி கொண்டது விஜய் தொலைக்காட்சி. சங்கரராமன் கொலைவழக்கில் சிக்கிய பெரியவாள் என்னும் பொறுக்கிக்கு தொடர்ச்சியாக சொம்பு தூக்கி கொண்டு திரிபவர்தான் இந்த எஸ்வி சேகர். ஏற்கனவே ஞானி பேசுகிறேன் நிகழ்வில் ஞானி என்னும் முற்போக்கு நரியும் பிற்போக்கு சேகரும் கலந்துகட்டி அடித்த கூத்தை ஏற்கனவே எழுதியிருந்தேன்.இப்பொழுது நான் சொல்ல வரும் நிகழ்வு வின் தொலைக்காட்சியில் நீதியின் குரல் என்னும் நிகழ்வில் கொழுப்பெடுத்து பேசிய நிகழ்வு குறித்தது.தொடர்ச்சியாக மீனவர்கள் படுகொலை செய்யப்படுவது குறித்தும் சிங்கள இனவெறியன் ராசபக்சேவின் அமெரிக்க பயணம் குறித்தும் நீதியின் குரலில் விவாதம் சென்று கொண்டு இருந்தது சில நேயர்கள் தொடர்பு கொண்டு மோடிக்கு விசா வழங்காத அமெரிக்கா அதேபோன்று இனப்படுகொலை செய்த  ராசபக்சேவை எப்படி அனுமதித்தது என்பது போன்று கருத்துக்களை பகிர்ந்து கொண்டு  இருந்தனர் திடீரென்று நிகழ்வில் புகுந்த எஸ்விசேகர் என்னும் புண்ணிய ஆத்மா வழமையாக தனது வன்மத்தையும் வாய்கொழுப்பையும் காட்டத்துவங்கியது.

“ஐநூறுக்கும் மேலான மீனவர்களை சிங்கள கப்பல்படை சுட்டு கொலை செய்தபொழுது எந்தவித நடவடிக்கையும் எடுக்காத இந்திய அரசை குற்றம் சொல்லுவீர்களா?” என்ற எளிமையான கேள்விக்கு இந்த பைத்தியம் அளித்த பதில் ” நான் கண்டிப்பேங்க, ஒருத்தன் சாலை ஓரம் சிறுநீர் கழித்தாலே நான் அரசை குறை சொல்லுவேன் ஏனென்றால் அரசுதானே கழிப்பிடம் கட்டி கொடுக்க வேண்டும்?”  மீனவர் படுகொலையும்  சாலையோர கழிப்பறை பிரச்சனையும் ஒன்றாம். “தமிழக மீனவர்கள் குறித்து அக்கறை செலுத்தாத இந்திய அரசை கண்டித்து நாம் ஏன் குடியரசு தினத்தை புறக்கணிக்க கூடாது?” என்ற கேள்விக்கு இந்த லூசு சொன்ன பதில் “குளத்தை கோவித்தால் ——- க்குத்தான் நட்டம்”. என்ன திமிர்?

நீதியின் குரல் நிகழ்ச்சிக்கு இந்த பைத்தியத்தை யார் அழைத்தது என்று தெரியவில்லை. தமிழர் வீட்டில் இழவு விழுந்தாலும் சட்டை பையில் கொடியை குத்திக்கொண்டு இது போன்ற பப்ளிசிட்டி பைத்தியங்கள் செய்யும் சேட்டைகளை கவனியுங்கள்.  எவனும் தமிழன் குறித்து பேசவே கூடாது என்று முடிவெடுத்து எங்கே ஏதேனும் விவாதம் நிகழ்ந்தாலும் அதை குழப்பவே இப்படி ஒரு கூட்டம் அலைகிறது . இன மானத்தலைவர்களும் தமிழினத்தலைவர் தமிழர் தலைவரென்று இத்தனைபேர் இருந்தும் மீனவர் படுகொலையின் பொழுது இப்படி கொழுப்பெடுத்து இவர்கள் பேசுவதும் இது போன்ற மனநோயாளிகளை அரவணைக்க நமது திராவிட தலைவர்கள் ஓடோடி வருவதும் வேதனையிலும் வேதனை.

மீனவர் படுகொலை இறையாண்மை என்ன செய்யும்?

ஜனவரி 23, 2011 § 2 பின்னூட்டங்கள்

மீனவர்கள் என்ன பாவம் செய்தார்கள் தமிழர்களாய் பிறந்ததை தவிர?

“இலங்கை கடற்படை, ஊனமுற்ற தமிழக மீனவர் ஒருவரை கொடூரமாக படுகொலை செய்துள்ளது ” என்ற செய்தியை படித்த திமுக நண்பர் ஒருவருக்கு மிகவும் கடுமையான கோவம் வந்திடுச்சு குருதி கொதிக்க என்னிடம் கேட்டார் ” என்னங்க இதெல்லாம் எத்தனைமுறை சொல்வது? ஊனமுற்ற மீனவர் படுகொலை என்றா சொல்றது? மாற்றுதிறனாளி என்றல்லவா சொல்ல வேண்டும். எத்தனை முறை சொன்னாலும் இவனுகளுக்கு புரியமாட்டேங்குது” என்று அலுத்து கொண்டார். ஆமா, அவரு சொல்றதும் நியாயம்தானே?

கடந்த வாரம் பாண்டியன் கொல்லப்பட்டார் தமிழக அரசு ஐந்து லட்சம் நிவாரணத்தொகையாக  வழங்கியுள்ளது கடிதம் எழுதியது கண்டனம் என்றது இப்போதும் அப்படியே. இதற்கு முன்னர் இந்தியகடற்படை தளபதி ஏதோ திட்டம் வைத்திருப்பதாகவும் அதன்மூலம் இந்த படுகொலைகளை மன்னிக்க விபத்துக்களை தடுக்க இருப்பதாகவும் தெரிவித்தார் அதை நாமும் படித்தோம் சொரணையோடு எந்த பத்திரிக்கையாளனும்  இதைத்தானய்யா இத்தன நாளும் சொல்லுறீங்கன்னு கேக்கல. மீண்டும் ஒரு மீனவன் ஜெயக்குமார் கொல்லப்பட்டதால் பிரணாப் இது தப்பு தடுத்து நிறுத்துவோம் என்று மழுப்பி இருக்கிறார். அப்பவும் இந்த பத்திரிக்கையாளர்கள் கேள்வி கேட்கவில்லை. இதில் இலங்கை அரசு மீனவர்களை நாங்கள் கொல்லவில்லை என்று செய்தி கொடுத்தாலும் சொரணை இல்லாமல் ஒளிபரப்ப சில நாய்கள் மன்னிக்க சில நல்லவர்கள் தயாராகவே இருக்கிறார்கள்.

சரி இலங்கையில் தமிழர்கள் கொலை செய்யப்பட்ட பொழுது  சில உதவாக்கறைகள் மன்னிக்க.. சில  உடன்பிறப்புகள் அவிங்க ராஜிவை கொன்னாய்ங்க அனுபவிக்கிராய்ங்கன்னு சொன்னார்கள். மீனவர்கள் என்ன பாவம் செய்தார்கள் தமிழர்களாய் பிறந்ததை தவிர? சிங்கள இனவெறியை பவுத்த நெறி என்றும் தீவிரவாதத்திற்கு எதிரான போர் என்றும் இந்து ராம் போன்ற அல்லக்கைகள் எழுதி கொண்டிருக்கின்றன.

இதில் நீங்கள் கருத்து சொன்னால் இந்திய இறையாண்மை இடையில் வரும். இதே போல் ஒரு மீனவனின் படுகொலையின் பொழுது எங்கள் மீனவனை அடித்தால் உங்கள் மாணவனை அடிப்பேன் என்று பேசிய சீமானை இந்திய இறையாண்மை ஆறு மாதங்கள் சிறையில் தள்ளியது. வெறும் வார்த்தைக்கு ஆறுமாதம் சிறை ஆனால் அதற்கு பின்னால் இரண்டு கொலைகள் நடந்தும் வழக்கு போடாத இந்திய இறையாண்மை. ஒரு அடிமை இன்னொரு அடிமைக்கு உதவ முடியாது என்று பெரியார் சொன்னது சரிதானே? ஆனால் பெரியார் இறை குறித்தும் ஆண்மை குறித்தும் என்ன சொன்னார் ?…. அது சரி பெரியாரிடம் நமக்கு எது தேவையோ அதை மாத்திரம் எடுத்து கொள்ள வேண்டும். வெங்காயம் விலை ஏற்றமா? பெரியாரிடம் கேள் என்றது போல.

அப்படியே இந்திய குடியரசுதினம் வருகிறது அப்பொன்நாளில்   இந்திய கொடிக்கு ஒரு வணக்கம் வைத்து இந்தியர் அனைவரையும் எனது உடன்பிறப்பாக நினைக்கிறேன் என்று சபதம் எடுத்து கொள்ளுங்கள். அதனை தொடர்ந்து சொரணையற்ற தமிழர்களுக்கு சொரணை வரவேண்டும் என்று தற்கொடை தந்த முத்துகுமரன் நினைவுநாள் வருகிறது அந்நாளில் முத்த்துகுமரன் பத்திய செய்திகள் நம் செவிகளை அடைந்துவிட முடியாதபடி டாஸ்மார்க்கில் கட்டிங் விட்டு மனதை சாந்தப்படுத்தி கொள்ளுங்கள். அல்லது சாரு நிவேதிதாவின் குபபிகொடுத்தல் படித்து ஆறுதல் கொள்ளுங்கள். சொரணை இந்திய இறையாண்மைக்கு எதிரானது.

மீண்டும் கொள்ளையடிக்க வருகிறோம் :சங்கமம்

ஜனவரி 8, 2011 § பின்னூட்டமொன்றை இடுக

 

மீண்டும்  கொள்ளையடிக்க வருகிறோம் :சங்கமம்

சங்கமம் நிகழ்வில் தமிழ் மையத்தின் பெயரை எடுத்து விடத்தயார் என்று தமிழக அரசு தெரிவித்ததை தொடந்து தமிழ் மையத்தின் பெயரை விளம்பரங்களில் இருந்து எடுத்துவிடும்படி சென்னை உயர்நீதிமன்றம் உத்தரவிட்டுள்ளது. சங்கமம்  என்ற பெயரலில் ஸ்பெக்ட்ரம் ஜோடியின் தொடர்கொள்ளை தமிழகத்தில் தொடர்ந்து நடேந்தேறி வருவது நாம் அனைவரும் அறிந்ததே!


கிராமிய கலைஞர்களுக்கு   மறுவாழ்வு தருகிறோம் என்ற பெயரில் கவிஞர் கனிமொழியும் தமிழ் மையம் என்ற பெயரில் வயிர்வளர்க்கும் கஸ்பாரும் இணைந்து வருடாவருடம் சங்கமம்  என்ற பெயரில் நிகழ்வுகளை நடத்தி வருகிறார்கள்.அந்நிகழ்விற்கு கனிமொழியின் தந்தையும் தமிழகமுதல்வருமான கருணாநிதி ஒரு கோடி வாரி வழங்கி இருக்கிறார் (எவன் அப்பன் வீட்டுக்காசு?)  ஸ்பெக்ட்ரம் ஊழலில் தமிழ்மையம் அலுவலகம் சோதனையிடப்பட்டத்தை தொடர்ந்து சங்கமம் குறித்து நீதிமன்றத்தின் கதவுகளை தட்டியுள்ளார் வழக்கறிஞர் ராதாகிருஷ்ணன்.  நீதிமன்றமும் ஊழல் கறைபடிந்த அமைப்பின் பெயரை சங்கமம் குறித்த விளம்பரங்களில் இருந்து நீக்கிவிடுங்கள்  என்று உத்தரவிட்டுள்ளது.

ஸ்பெக்ட்ரம்மிற்கு  முன்பு  கஸ்பார் பத்தி யாரும் கிசுகிசுக்க கூட முடியாது. அப்படி மீறி யாரேனும் கேள்வி கேட்டால் “என்னைவிட்டால் தமிழை காக்க வேறு யாரு இருக்கா?” என்று இந்தாளு கேள்வி கேப்பாரு. போதாதுக்கு இவருக்கு நக்கீரனோட நெற்றிக்கண் பார்வை வேறு பக்கபலமாக இருந்து வந்தது. ஈழம் மவுனவலி என்ற தலைப்பில் இவர்கள் ஈழத்தமிழ் உணர்வுகளை வியாபாரம் செய்தபொழுது நான் எழுதிய ஈழம் மவுனவலியும் கருணாநிதி  முதுகுவலியும் கட்டுரை வெளிவந்தது ஈழத்தமிழ் உணர்வாளர்கள் சிலரே நம்மை கண்டித்தார்கள் “எது எப்படியோ இந்த புத்தகத்தை இனப்படுகொலையின் ஆவணமாகத்தான் நாம் பார்க்கவேண்டும்” என்று  சில நண்பர்கள் அறிவுரை கூறினார்கள் மேலும் ஈழத்தமிழர்களை இரட்சிக்க ஜெகத் கஸ்பார் ஒருவராலே முடியும் என்று ஒரு சிலநண்பர்கள் உறுதியாக நம்பினார்கள்.ஈழம் மவுனவலியை இவர்கள் ஜாக்கிவாசுதேவை  வைத்து வெளியிடவைத்தது ஈழப்போரில் உடன் இருந்தே துரோகம் செய்த கனிமொழிக்கு தளம் அமைத்து என்று அன்றே இவரின் சுயரூபம் புரிந்துவிட்டது. இதில் கனிமொழியில்  ஈழம் மவுனவலியில் ரவுத்திரம் பழகாத என்னை மன்னித்து விடுங்கள் என்று நீலிகண்ணீர்  வடித்திருந்தார். ஈழத்தை வைத்து இவர்கள் செய்த வியாபாரம் ஈழத்தமிழ் ஆதரவாளர்களுக்கு சிறிது புரிந்துவிட கூட்டம் கலைந்துவிட்டது இன்னும் தொட்டு தொடர்கிறது சங்கமம் தொடர் கொள்ளைகள்.

திரைப்படங்கள் தொலைக்காட்சித்துறை போன்றவற்றின் தாக்கத்தால் வழக்கொழிந்துவரும் கலைகளையும் கலைஞர்களையும் மீட்டெடுக்கும் முயற்சி என்ற பெயரில் சங்கமம் துவக்கப்பட்டது. தமிழகம் முழுவதும் இருக்கும் கலைஞர்களை  சென்னை அழைத்து வந்து மக்கள் அதிகமாகக்கூடும் பூங்காக்கள் அரங்கங்கள் போன்றவற்றில் நிகழ்வுகளை ஒருங்கிணைப்பதுதான் சங்கமம் நிகழ்வு. இந்த நிகழ்வினை ஒருங்கிணைப்பது ஜெகத் கஸ்பாரின் சங்கமம் தமிழக அரசின் ஒருகோடியோடு பிற விளம்பரதாரர்களும் உண்டு.  கிராமியக்கலைஞர்கள் இதன் மூலம் ஒரு மாதத்திற்கு தேவையான வாழ்வாதாரத்தை பெறலாம்.

இந்நிகழ்வில் முறைகேடுகள் நடப்பதற்கு எக்கச்சக்கமான வாய்ப்புகள் இருந்தாலும் அதையெல்லாம் பற்றி முதல்வருக்கு கவலை இல்லை வழக்கம் போல என் வீட்டு பிள்ளைகள் என்னைக்கும் பொய் சொல்லாது என்கிற மனநிலையிலேயே இருக்கிறார். சில நண்பர்கள் நலிவடைந்த கிராமிய கலைஞர்கள் வாழ்வை கெடுக்கலாமா? என்று கேட்கிறார்கள். இந்நிகழ்வினால் வருடத்திற்கு ஒருமுறை மாத்திரமே அவர்களுக்கு வருமானம் வருகிறது எஞ்சிய நாட்களில் அவர்கள் வருமையுடந்தான் கழிக்கிறார்கள். இவர்களுக்கு வழங்கப்படும் தொகை சரியாக சென்று சேர்கிறதா? என்று சோதிப்பவர் யார்?

உண்மையிலேயே கிராமியக்கலைகளை பாதுகாப்பது அரசின் நோக்கம் என்றால் தமிழ அரசின் சுற்றுலாத்துறையின் மூலம் வருடம் முழுவதும் கலைஞர்களுக்கு  வருவாய் வருவது மாதிரி மாவட்டங்கள் தோறும் நிகழ்வுகளை ஒருங்கிணைக்கலாம். வருடம் முழுவதும் கிராமிய கலைகள் நடந்தேற மாவட்டங்கள் தோறும் அரங்குகள் அமைத்து, கிராமியக்கலைகளில் இன்றைய தேதிக்கு தேவையான மாற்றங்களை புகுத்தி மக்கள் இரசிக்கும் படி மாற்றிகாட்டலாம் . கலைஞர்களை  மாத்திரமல்ல நமது பண்டைய கலைகளையும் காத்திட இது உதவும். இந்நிகழ்வை அரசே முன்னின்று நடத்தலாம் தமிழ்மையம்  போன்ற இடைத்தரகர்கள் எதற்கு?அரசு கிராமியக்கலைஞர்களின்  மீது உண்மையில் அக்கறையிருந்தால் அரசே தலையிட்டு கலைஞர்கள்  வாழ்வில் விளக்கேற்றலாம் அல்லது எங்களுக்கு கமிசன்தான் முக்கியம் என்றால் தமிழ் மையம் போன்ற ஊழல் பேர்வழிகளின் கையில் ஒப்படைத்து கிராமியக்கலை என்ற ஒன்றை தமிழகத்தில் இல்லாமல் துடைத்தெடுக்கலாம் .

துரோகிகளை தலைவர்கள் என்றழைக்கும் இனம் என்னவாகும்?

ஜனவரி 3, 2011 § 4 பின்னூட்டங்கள்

துரோகிகளை  தலைவர்கள் என்றழைக்கும் இனம் என்னவாகும்?


சரித்திரத்தில் எத்தனையோ வீழ்ந்து கிடந்த இனங்களை தலை நிமிர்த்திவிட்ட பலரின் கதைகளை படித்து இருப்பீர்கள் வீழ்ந்த  எத்தனையோ தேசிய இனங்கள் தன்முனைப்புடன் எழுந்து இருக்கின்றன. நிறத்தை காரணம் காட்டி கருப்பர்கள்  என்று வெறுத்து ஒதுக்கிய அமெரிக்க தேசத்தில்  ‘மார்டின் லூதர் கிங்’ எனும் போராளி பிறந்தான் அடிமை பட்டுக்கிடந்த தனது இனத்தை தட்டி எழுப்பி நிறவெறிக்கு எதிராக கறுப்பின மக்களை ஒருங்கிணைத்து காட்டினான்.  அதுவரை அடிமைகளாகவும் அவமானத்தின் சாட்சிகளாகவும் வாழ்ந்துவந்த கருப்பின மைந்தர்களை சுயமரியாதையோடு நிமிர்ந்து நிற்க மார்டின் லூதர் கிங் துவக்கப்புள்ளியாக விளங்கினார்.

மார்டின் லூதர் கிங்கிற்கு பிந்தைய தலைமுறை அமெரிக்காவின் பல்வேறு துறைகளில் சாதித்தது. மைக்கேல் ஜாக்சன்  என்ற இசைக்கலைஞனே அதற்கு சான்று. அமேரிக்கா மாத்திரமன்றி உலகின் பெரும்பாலான இசை ரசிகர்களின் உள்ளத்தை வென்ற கலைஞன் அவனே! தனது கலை வடிவை நிறவெறிக்கு எதிராக ஆயுதமாக ஏந்தினான்.  They Don’t care about us என்று உலகின் ஏதோவொரு மூலையில் மைக்கேல் ஜாக்சனின் குரல் இன்னும் ஒலித்து கொண்டுத்தான் இருக்கிறது.

அவர்களின் எழுச்சி அமெரிக்காவின் வெள்ளைமாளிகைவரை தொடர்ந்திருக்கிறது. வெள்ளைமாளிகையில் ஒபமா என்ற கருப்பின மனிதனை ஜனாதிபதியாக ஏற்று கொண்டதன் மூலம் அமெரிக்க மக்கள் தாங்கள் இனவெறிக்கு ஆதரவானவர்கள் அல்ல என்று உலகத்திற்கு சொல்லி இருக்கிறார்கள்(சொல்லவேண்டிய நிலைக்கு தள்ளப்பட்டிருக்கிறார்கள்) . மார்டின் லூதர் கிங்கின் போராட்டத்தின் நீட்சியாகத்தான் இதனை நாம் பார்க்க வேண்டும். இன்று திடீரென்று உலகம் மாறிவிடவில்லை மார்டின் லூதர் கிங் போன்ற தலைவர்களின் போராட்டம் மாந்த சமூகத்தின் பார்வையை மாற்றிக்காட்டி இருக்கிறது.

அமெரிக்காவை காட்டிலும் பலமடங்கு இனவெறிபிடித்த இந்துமத பார்பன மற்றும் ஆதிக்கசாதி  வெறிபிடித்த கும்பல்களிடம் அடிமைப்பட்டு கிடந்த இனங்கள் தலை நிமிர்ந்த வரலாறு நம்மிடமும் உண்டு. அம்பேத்கார், பெரியார் போன்ற தலைவர்களின் கடும் உழைப்பால் ஆண்டாண்டு காலம் அடிமைப்பட்டுக்கிடந்த சமூகம் தலை நிமிர்ந்த வரலாறு நமக்கு மிக அருகாமையிலேயே நிகழ்ந்து இருக்கிறது.பஞ்சமன், சூத்திரன், சண்டாளன் என்று நம்மை ஒதுக்கி வைத்த பார்ப்பனியத்தை வீழ்த்த பெரியாரும் அம்பேத்காரும் தம் வாழ்நாளையே அர்பனித்தனர். மருத்துவம், நீதி,  பொருளாதாரம் , அரசியல் என்று அனைத்து துறைகளிலும் கோலேச்சிய பார்ப்பனியத்தை சிறிது சிறிதாக வீழ்த்தி காட்டியது அம்பேத்கார், பெரியாரின் போராட்டங்கள்.  ஆண்டாண்டிற்கு கல்வி வாசனையோஅறியாத சமூகத்தில் இருந்து பல்வேறு பொறியாளர்கள், மருத்துவர்கள், வழக்கறிஞர்கள், ஆசிரியர்கள் ஆட்சிதலைவர்கள் என்று உருவானதற்கு இது போன்ற தலைவர்களின் போராட்டங்களே காரணம்.தமிழகத்தில்( சென்னை மாகாணம்) நீதிக்கட்சி வந்துதான் மருத்துவத்திற்கு சமட்கிருத மொழியில் நுழைவுத்தேர்வு என்ற நிலையை மாற்றி காட்டியது.

ஆரிய இனத்திடம் வீழ்ந்து கிடந்த திராவிட இனத்தை (தமிழினத்தை) திராவிடர் கழகம் என்ற இயக்கத்தின் மூலம் ஒன்று திரட்டி சமூக நீதிக்காக குரல்கொடுத்த தலைவர் பெரியார். தமிழரின் வரலாற்றை திருப்பி போட்ட மனிதர் தந்தை பெரியார்.சுயமரியாதை பகுத்தறிவுள்ள மாந்த சமூகமாக தமிழர்களை மாற்றிட தன்வாழ்நாளின் இறுதிவரை சமரசமின்றி போராடிய தலைவர் பெரியார். தனது முயற்சியில் கணிசமான வெற்றிகளையும் பெரியார் பெற்றார். தமிழகம் தவிர்த்து பிறமாநிலத்தவர்கள் சாதிப்பெயருடன் வலம்வரும்பொழுது தமிழகம்  மாத்திரம் பெயருக்கு பின்னால் இருக்கும் சாதிய அழுக்கை துடைத்து எறிந்து இருப்பதே அதற்க்குச்சான்று. ராமராட்சியம் அமைப்பேன் என்று கூறிய காந்தியின்  மனுதர்ம கோவணத்தை உருவியதாகட்டும், இந்துமதம் பார்பனியமதமே என்று அம்பலப்படுத்தியதாகட்டும் அம்பேத்கார்க்கு நிகர்  அம்பேத்கார்தான்.அரசியல் அதிகாரங்களை கைப்பற்றுவதைவிட சமூக சீர்த்திருத்தங்களே தங்கள் போராட்டங்களின் முக்கிய நோக்கமாகக்கொண்டு வாழ்ந்த தலைவர்கள் தந்தை பெரியாரும் அண்ணல் அம்பேத்காரும்.

பெரியாரின் பெயரை சொல்லி அரசியல் அதிகாரத்தை  கைப்பற்றின திராவிடத்தை பெயரில் தாங்கிய அரசியல் இயக்கங்கள். பெரியாரின் திராவிடகழகத்திற்கு பெரியாரின் கொள்கை வாரிசாக தன்னைத்தானே அழைத்துக்கொண்ட வீரமணி தலைவராக வந்தார். பெரியாரின் போராட்டத்தை அதே வீரியத்தோடு முன்னெடுக்க வேண்டிய வீரமணி ஆட்சி கட்டில் இருப்பவர்களுக்கு காவடி  தூக்குவதே தனது முதன்மை பணி என்று மாற்றி கொண்டார். பெரியார் தனது போராட்டங்களால் பெயருக்கு பின்னால் இருந்த சாதிப்பெயரை தூக்கி எறியும்படி செய்தாரோ அதே பெரியார் பற்றிய திரைப்படத்தை தெலுங்கில் மொழி பெயர்த்து வெளியிடும்பொழுது பெரியார் ராமசாமி ‘நாயக்கர்’ என்று சாதிப்பெயர் ஒட்டி வெளியிடுகிறார். சரியாக சொல்வதென்றால் பெரியார்வாதிகளின் முதல் எதிரியாக இன்று இருப்பதே அய்யாதான். இதில் இவர் தனக்குத்தானே தமிழர் தலைவர் இனமானத்தலைவர் என்று விளம்பரப்படுத்தி கொண்டு அலைகிறார். சமூகநீதிக்காக போராடி அலுத்துவிட்டதால் ஊர் ஊராக ஸ்பெக்ட்ரம் ஊழல் குறித்து விளக்க கூட்டங்களில் விளக்கு பிடித்து கொண்டிருக்கிறார் என்று கேள்வி.

தனக்குத்தானே தமிழினத்தலைவர் என்று விளம்பரப்படுத்தி கொள்பவர் குறித்து நான் சொல்லி உங்களுக்கு தெரியவேண்டும் என்பதல்ல. ஈழத்தில் ஒரு லட்சத்திற்கும் அதிகமான தமிழ் மக்கள் கொன்றழிக்கப்பட்டபொழுது  தலைவர் பதவி சுகத்திற்க்காக தனது குடும்பத்தின் நலத்திற்க்காக தமிழினத்தின் எதிரிகளின் துணை நின்றார். ஈழத்தமிழன் எங்களுக்கா ஓட்டு போட்டான் என்று கேட்கிறது உடன்பிறப்பு ஒன்று.  இன அழிப்பின் வலிசுமந்த தமிழர்களின் காதுகளில் செம்மொழி மாநாடு என்று பலகோடிகளை கொட்டி சுயசொறிதல் என்னும் ஒப்பாரி பாடலை பாடிமுடித்திருக்கிறார்.  உலகத்தமிழர்களின் ஒரே தலைவன் நானென்று சொல்லிக்கொண்டு இவர் செய்த துரோகங்களை சொல்லி முடிக்க எனது வலைப்பூ போதாது. இவர் போல ஒரு தலைவன் நமது எதிகளுக்கு கூட அமைந்திடக்கூடது என்பதே எனது விருப்பம்.

அம்பேத்காரின் பெயரை சொல்லி அரசியல் செய்யும் எழுச்சி தமிழர் அம்பேத்கார் சுடர் விருதை தமிழனத்தலைவருக்கு வழங்கி கெளரவப்படுத்தி இருக்கிறார். இதுல உனக்கு என்னடா காண்டு என்று நீங்கள் கேட்கலாம் என்ன செய்ய தோழர்களே தாமிரபரணியில் உயிர்விட்ட தோழர்கள் எனக்கு நியாபகம் வந்து தொலைக்கிறார்கள். மார்டின் லூதர் கிங்கின் போராட்டங்கள் போன்று பெரியாரின் அம்பேத்காரின் முன்னெடுப்புகள் தொடர்ந்து வெற்றி ஈட்டததற்க்கு தவறானவர்களை தலைவர்கள் என்றழைத்த எம்மினமும்தானே காரணம் என்ற வருத்தம் வருகிறது வேறு என்ன செய்ய?

Where Am I?

You are currently browsing the ஊடகங்கள் category at தமிழன்பன் பக்கம்.