துரோகிகளை தலைவர்கள் என்றழைக்கும் இனம் என்னவாகும்?

ஜனவரி 3, 2011 § 4 பின்னூட்டங்கள்

துரோகிகளை  தலைவர்கள் என்றழைக்கும் இனம் என்னவாகும்?


சரித்திரத்தில் எத்தனையோ வீழ்ந்து கிடந்த இனங்களை தலை நிமிர்த்திவிட்ட பலரின் கதைகளை படித்து இருப்பீர்கள் வீழ்ந்த  எத்தனையோ தேசிய இனங்கள் தன்முனைப்புடன் எழுந்து இருக்கின்றன. நிறத்தை காரணம் காட்டி கருப்பர்கள்  என்று வெறுத்து ஒதுக்கிய அமெரிக்க தேசத்தில்  ‘மார்டின் லூதர் கிங்’ எனும் போராளி பிறந்தான் அடிமை பட்டுக்கிடந்த தனது இனத்தை தட்டி எழுப்பி நிறவெறிக்கு எதிராக கறுப்பின மக்களை ஒருங்கிணைத்து காட்டினான்.  அதுவரை அடிமைகளாகவும் அவமானத்தின் சாட்சிகளாகவும் வாழ்ந்துவந்த கருப்பின மைந்தர்களை சுயமரியாதையோடு நிமிர்ந்து நிற்க மார்டின் லூதர் கிங் துவக்கப்புள்ளியாக விளங்கினார்.

மார்டின் லூதர் கிங்கிற்கு பிந்தைய தலைமுறை அமெரிக்காவின் பல்வேறு துறைகளில் சாதித்தது. மைக்கேல் ஜாக்சன்  என்ற இசைக்கலைஞனே அதற்கு சான்று. அமேரிக்கா மாத்திரமன்றி உலகின் பெரும்பாலான இசை ரசிகர்களின் உள்ளத்தை வென்ற கலைஞன் அவனே! தனது கலை வடிவை நிறவெறிக்கு எதிராக ஆயுதமாக ஏந்தினான்.  They Don’t care about us என்று உலகின் ஏதோவொரு மூலையில் மைக்கேல் ஜாக்சனின் குரல் இன்னும் ஒலித்து கொண்டுத்தான் இருக்கிறது.

அவர்களின் எழுச்சி அமெரிக்காவின் வெள்ளைமாளிகைவரை தொடர்ந்திருக்கிறது. வெள்ளைமாளிகையில் ஒபமா என்ற கருப்பின மனிதனை ஜனாதிபதியாக ஏற்று கொண்டதன் மூலம் அமெரிக்க மக்கள் தாங்கள் இனவெறிக்கு ஆதரவானவர்கள் அல்ல என்று உலகத்திற்கு சொல்லி இருக்கிறார்கள்(சொல்லவேண்டிய நிலைக்கு தள்ளப்பட்டிருக்கிறார்கள்) . மார்டின் லூதர் கிங்கின் போராட்டத்தின் நீட்சியாகத்தான் இதனை நாம் பார்க்க வேண்டும். இன்று திடீரென்று உலகம் மாறிவிடவில்லை மார்டின் லூதர் கிங் போன்ற தலைவர்களின் போராட்டம் மாந்த சமூகத்தின் பார்வையை மாற்றிக்காட்டி இருக்கிறது.

அமெரிக்காவை காட்டிலும் பலமடங்கு இனவெறிபிடித்த இந்துமத பார்பன மற்றும் ஆதிக்கசாதி  வெறிபிடித்த கும்பல்களிடம் அடிமைப்பட்டு கிடந்த இனங்கள் தலை நிமிர்ந்த வரலாறு நம்மிடமும் உண்டு. அம்பேத்கார், பெரியார் போன்ற தலைவர்களின் கடும் உழைப்பால் ஆண்டாண்டு காலம் அடிமைப்பட்டுக்கிடந்த சமூகம் தலை நிமிர்ந்த வரலாறு நமக்கு மிக அருகாமையிலேயே நிகழ்ந்து இருக்கிறது.பஞ்சமன், சூத்திரன், சண்டாளன் என்று நம்மை ஒதுக்கி வைத்த பார்ப்பனியத்தை வீழ்த்த பெரியாரும் அம்பேத்காரும் தம் வாழ்நாளையே அர்பனித்தனர். மருத்துவம், நீதி,  பொருளாதாரம் , அரசியல் என்று அனைத்து துறைகளிலும் கோலேச்சிய பார்ப்பனியத்தை சிறிது சிறிதாக வீழ்த்தி காட்டியது அம்பேத்கார், பெரியாரின் போராட்டங்கள்.  ஆண்டாண்டிற்கு கல்வி வாசனையோஅறியாத சமூகத்தில் இருந்து பல்வேறு பொறியாளர்கள், மருத்துவர்கள், வழக்கறிஞர்கள், ஆசிரியர்கள் ஆட்சிதலைவர்கள் என்று உருவானதற்கு இது போன்ற தலைவர்களின் போராட்டங்களே காரணம்.தமிழகத்தில்( சென்னை மாகாணம்) நீதிக்கட்சி வந்துதான் மருத்துவத்திற்கு சமட்கிருத மொழியில் நுழைவுத்தேர்வு என்ற நிலையை மாற்றி காட்டியது.

ஆரிய இனத்திடம் வீழ்ந்து கிடந்த திராவிட இனத்தை (தமிழினத்தை) திராவிடர் கழகம் என்ற இயக்கத்தின் மூலம் ஒன்று திரட்டி சமூக நீதிக்காக குரல்கொடுத்த தலைவர் பெரியார். தமிழரின் வரலாற்றை திருப்பி போட்ட மனிதர் தந்தை பெரியார்.சுயமரியாதை பகுத்தறிவுள்ள மாந்த சமூகமாக தமிழர்களை மாற்றிட தன்வாழ்நாளின் இறுதிவரை சமரசமின்றி போராடிய தலைவர் பெரியார். தனது முயற்சியில் கணிசமான வெற்றிகளையும் பெரியார் பெற்றார். தமிழகம் தவிர்த்து பிறமாநிலத்தவர்கள் சாதிப்பெயருடன் வலம்வரும்பொழுது தமிழகம்  மாத்திரம் பெயருக்கு பின்னால் இருக்கும் சாதிய அழுக்கை துடைத்து எறிந்து இருப்பதே அதற்க்குச்சான்று. ராமராட்சியம் அமைப்பேன் என்று கூறிய காந்தியின்  மனுதர்ம கோவணத்தை உருவியதாகட்டும், இந்துமதம் பார்பனியமதமே என்று அம்பலப்படுத்தியதாகட்டும் அம்பேத்கார்க்கு நிகர்  அம்பேத்கார்தான்.அரசியல் அதிகாரங்களை கைப்பற்றுவதைவிட சமூக சீர்த்திருத்தங்களே தங்கள் போராட்டங்களின் முக்கிய நோக்கமாகக்கொண்டு வாழ்ந்த தலைவர்கள் தந்தை பெரியாரும் அண்ணல் அம்பேத்காரும்.

பெரியாரின் பெயரை சொல்லி அரசியல் அதிகாரத்தை  கைப்பற்றின திராவிடத்தை பெயரில் தாங்கிய அரசியல் இயக்கங்கள். பெரியாரின் திராவிடகழகத்திற்கு பெரியாரின் கொள்கை வாரிசாக தன்னைத்தானே அழைத்துக்கொண்ட வீரமணி தலைவராக வந்தார். பெரியாரின் போராட்டத்தை அதே வீரியத்தோடு முன்னெடுக்க வேண்டிய வீரமணி ஆட்சி கட்டில் இருப்பவர்களுக்கு காவடி  தூக்குவதே தனது முதன்மை பணி என்று மாற்றி கொண்டார். பெரியார் தனது போராட்டங்களால் பெயருக்கு பின்னால் இருந்த சாதிப்பெயரை தூக்கி எறியும்படி செய்தாரோ அதே பெரியார் பற்றிய திரைப்படத்தை தெலுங்கில் மொழி பெயர்த்து வெளியிடும்பொழுது பெரியார் ராமசாமி ‘நாயக்கர்’ என்று சாதிப்பெயர் ஒட்டி வெளியிடுகிறார். சரியாக சொல்வதென்றால் பெரியார்வாதிகளின் முதல் எதிரியாக இன்று இருப்பதே அய்யாதான். இதில் இவர் தனக்குத்தானே தமிழர் தலைவர் இனமானத்தலைவர் என்று விளம்பரப்படுத்தி கொண்டு அலைகிறார். சமூகநீதிக்காக போராடி அலுத்துவிட்டதால் ஊர் ஊராக ஸ்பெக்ட்ரம் ஊழல் குறித்து விளக்க கூட்டங்களில் விளக்கு பிடித்து கொண்டிருக்கிறார் என்று கேள்வி.

தனக்குத்தானே தமிழினத்தலைவர் என்று விளம்பரப்படுத்தி கொள்பவர் குறித்து நான் சொல்லி உங்களுக்கு தெரியவேண்டும் என்பதல்ல. ஈழத்தில் ஒரு லட்சத்திற்கும் அதிகமான தமிழ் மக்கள் கொன்றழிக்கப்பட்டபொழுது  தலைவர் பதவி சுகத்திற்க்காக தனது குடும்பத்தின் நலத்திற்க்காக தமிழினத்தின் எதிரிகளின் துணை நின்றார். ஈழத்தமிழன் எங்களுக்கா ஓட்டு போட்டான் என்று கேட்கிறது உடன்பிறப்பு ஒன்று.  இன அழிப்பின் வலிசுமந்த தமிழர்களின் காதுகளில் செம்மொழி மாநாடு என்று பலகோடிகளை கொட்டி சுயசொறிதல் என்னும் ஒப்பாரி பாடலை பாடிமுடித்திருக்கிறார்.  உலகத்தமிழர்களின் ஒரே தலைவன் நானென்று சொல்லிக்கொண்டு இவர் செய்த துரோகங்களை சொல்லி முடிக்க எனது வலைப்பூ போதாது. இவர் போல ஒரு தலைவன் நமது எதிகளுக்கு கூட அமைந்திடக்கூடது என்பதே எனது விருப்பம்.

அம்பேத்காரின் பெயரை சொல்லி அரசியல் செய்யும் எழுச்சி தமிழர் அம்பேத்கார் சுடர் விருதை தமிழனத்தலைவருக்கு வழங்கி கெளரவப்படுத்தி இருக்கிறார். இதுல உனக்கு என்னடா காண்டு என்று நீங்கள் கேட்கலாம் என்ன செய்ய தோழர்களே தாமிரபரணியில் உயிர்விட்ட தோழர்கள் எனக்கு நியாபகம் வந்து தொலைக்கிறார்கள். மார்டின் லூதர் கிங்கின் போராட்டங்கள் போன்று பெரியாரின் அம்பேத்காரின் முன்னெடுப்புகள் தொடர்ந்து வெற்றி ஈட்டததற்க்கு தவறானவர்களை தலைவர்கள் என்றழைத்த எம்மினமும்தானே காரணம் என்ற வருத்தம் வருகிறது வேறு என்ன செய்ய?

எம்ஆர் ராதாவை இதைவிட எவரும் அவமானப்படுத்த முடியாது !

மே 11, 2010 § 10 பின்னூட்டங்கள்

எம்ஆர் ராதாவை இதைவிட எவரும் அவமானப்படுத்த முடியாது !



தமிழகத்தின் ஒப்பற்ற கலைஞன் பெரியாரின் போர்வாள் என்றெல்லாம் போற்றப்படுபவர் நடிகவேள் எம்ஆர் ராதா. இரத்தகண்ணீர் திரைப்படத்திற்கு இணையான திரைப்படம் இதுவரை தமிழ்நாட்டில் வரவில்லை. தொழிலாளிகள் மத்தியில் ராதா அவர்கள் உரையாடுவதில் துவங்கி வீடு தீப்பிடித்தால் கும்பிட வேண்டியதுதானே? என்று திருவண்ணாமலை ஜோதியை வணக்கும் பக்தனை கலாய்ப்பது வரை காலத்தால் அழியாத  திரைகாவியத்தை தனது நடிப்புத்திறனால் நிரப்பிய கலைஞன் ராதா.  நடிகவேளின் நாடகங்கள் நாம் கண்டிராத பொழுதும் தமிழக சூழலில் நடிகவேள் ஏற்படுத்திய அதிர்வுகளை நாம் அவரின் திரைப்படங்கள் மூலம் அறிந்து கொள்ளலாம்.

ராமர்வேடத்தில் ராதா நடித்த நாடகங்களை திரையிட காங்கிரசு அரசு தடைவிதித்தது. துவக்ககாட்சியிலேயே சோமபானம் அருந்திய ராமராக அறிமுகமாகி  ராமர்வேடத்திலேயே  காவல்துறையிடம் கைதாகி ஒரு கலகத்தையே உண்டு பண்ணியவர் ராதா. இரத்தகண்ணீர் திரைப்படத்தில் ஆடம்பரமாக வாழும் சீமானாக நடித்து இருந்தாலும் இறுதி காட்சியில் தனது மனைவியின் மறுமணத்தை வலியுறுத்தும் நபராக வருவார்.அரசியல் கட்சிகள் எல்லாம் வியாபாரத்தில் இறங்கிவிட்டன என்ற வசனத்தை இரத்தகண்ணீரிலேயே  பேசி நடித்து இருப்பார்.  தனது வாழ்நாள் முழுமைக்கும் தான் ஏற்றுக்கொண்ட ஒரே தலைவனாக பெரியாரை போற்றியவர் ராதா. பெரியாரின் கருத்துக்களை பரலாக்கியதில் ராதாவின் பங்கு முக்கியமானது தனது நாடகங்கள் மூலம் சமூக மாற்றத்திற்கு பாடுபட்ட கலைஞர்களில் எம்ஆர் ராதாவும் என்எஸ் கிருஷ்ணனும் முக்கியமானவர்கள் என்பது மறுக்க முடியாத உண்மை.

சமீபத்தில் 5600 நாடகங்களை எஸ்வி சேகர் அரங்கேற்றி முதல்வர் தலைமையில் விழா எடுத்து இருக்கிறார். இவரது நாடகங்கள் பார்பனதனமானவை என்ற குற்றச்சாட்டு நீண்டநெடுங்காலமாக இருந்து வருகிறது. சங்கராச்சாரியாரை எப்போதும் ஆதரிக்கும் காஞ்சி சங்கர மடத்தின் தீவிரபக்தர் எஸ்வி சேகர். சமீபத்தில் குமுதம் இணையதளம் ஏற்பாடு செய்த ஞானி பேசுகிறேன் என்ற நிகழ்ச்சியில் எஸ்வி சேகர் நேர்காணல் ஒளிபரப்பானது. ஞானி என்னும் முற்போக்கு பார்பனரும் சேகர் என்னும் பிற்போக்கு பார்பனரும் இணைந்து வழங்கிய அந்த நிகழ்வினை பார்ப்பதவர்களுக்கு வயிற்று போக்கு வந்திருந்தாலும் ஆச்சிரியப்படுதற்க்கு இல்லை. அந்நிகழ்வில் எஸ்வி சேகர் உதிர்த்த சில முத்துக்கள்.

பார்பனராக பிறக்க முற்பிறப்பில் புண்ணியம் செய்திருக்க வேண்டும்.

நான்( எஸ்வி சேகர்) புண்ணிய ஆத்மா எனக்கு மறுபிறப்பு இல்லை.
தெரு கூட்டும் சாதியில் பிறந்த இளைஞன் தெருதான் கூட்டவேண்டும் என்று சொல்லவில்லை ஊரையே சுத்தமாக வைத்து இருப்பவன் தனது வீட்டை எவ்வளவு சுத்தமாக வைத்து கொள்வான் என்கிறேன். எல்லாம் பிறப்பில் இருக்கிறது.

திரைப்படத்தில் நடிக்கும் பொழுது இசுலாமிய பாத்திரங்கள் தொப்பி வைத்து நடிக்கலாம், கிறித்துவ பாத்திரங்கள் சிலுவை அணிந்து நடிக்கலாம் ஆனால் எங்கள் பூணுலை வெளியே தெரியவிடாமல் நடிக்க வேண்டும். பூணூல் என்பது இந்துமத அடையாளம்.

பார்பனர்களுக்கு தமிழகத்தில்தான் மரியாதை இல்லை பிறமாநிலத்தில் பிராமணர் என்றால் நிறையவே மதிக்கிறார்கள்

இது போன்ற பேச்சுக்களுக்கு ஞானி மலுப்பலாக எதிர்கேள்வி கேட்டுவிட்டு எஸ்வி சேகர் நிறைய இரத்ததான முகாம்கள் நடத்துகிறார் என்று பாராட்டிவிட்டு அனுப்பி வைத்தார்.  எஸ்வி சேகர் நாடகத்தில் பெரும்பாலும் பார்பன காதப்பாத்திரங்களே இடம்பெறும் அக்கிரகாரத்து மொழிநடையே நாடகம் முழுவதும் பயன்படுத்தப்படும். முதல்வர் பங்குகொண்ட நாடகம் கூட சங்கராச்சாரியார் புகைப்படத்துடந்தான் நடந்து இருக்கிறது.  பிராமணர்களுக்கு  7 விழுக்காடு ஒதுக்கீடு வேண்டும் என்று சேகர் தொடர்ந்து குரல்கொடுத்து வருவதை நாம் கவனத்தில் கொள்ளவேண்டும். எஸ்வி சேகர் முன்னாள் அதிமுக உறுப்பினராக இருந்து தற்போது திமுகவை  நோக்கி நகர்ந்திருக்கிறார் . அவரை மகிழ்ச்சிப்படுத்த அவரது 5600 நாடக அரங்கேற்றத்தில் தமிழினதலைவர் பங்கேற்று இருக்கிறார்.

சேகரின் நாடகவிழாவில் பங்கேற்பது முதல்வரின் சொந்த விருப்பம். ஆனால் விழாவில் சேகரை புகழும் பொழுது சமூகத்திற்கு தேவையான கருத்துக்களை நகைச்சுவை கலந்து சொல்வதில் எஸ்வி சேகர் நடிகவேள் எம்ஆர் ராதாவிற்கு நிகரானவர் என்று சொல்லி இருக்கிறார்.

இதுலதான் நமது பிரச்சனையே…. எதை வைச்சு எஸ்வி சேகர் எம் ஆர் ராதாவிற்கு நிகர் என்று கருணாநிதி சொல்லுகிறார் என்று நமக்கு கொஞ்சமும் விளங்கவில்லை. அப்படி என்ன சமூகத்திற்கு தேவையான கருத்தை எஸ்வி சேகர் நாடகம் மூலம் சொன்னார்?

கலைஞர் என்ற பட்டத்தை கருணாநிதிக்கு கொடுத்தவர் ராதா என்பதால் இது கருணாநிதியின் கைமாறு போலும்.  ஐம்பது ஆண்டுகளுக்கு முன்பாகவே “யாரு அது ராகு கேது என்ன பொண்ணோட உறவினரா? நான் சொன்னேன்னு சொல்லி  நாளைக்கு மெயில் புடுச்சு போகச்சொல்லு! என்று கிரகங்கள் இடம்பெயர்வதை வைத்து நல்ல நேரம் குறிப்பவர்களை கிண்டல் செய்த ராதா எங்கே  இன்னும் அம்புஜம் மாமி காமெடி எழுதி கொண்டிருக்கும் எஸ் வி சேகர் எங்கே?.  “நாங்க மன்னவரில்லே ஒரு மந்திரில்லே நாங்க சொன்ன இடத்தில் அமர்ந்து கொள்கிறார்!” என்று முடி திருத்தும் தொழிலாளியாக நடித்த ராதா எங்கே? பூணுல் வெளியே தெரியும்படிதான் நடிப்பேன் என்று மணல் கயிறு திரிக்கும் எஸ்வி சேகர் எங்கே.என்னங்க இது அநியாயமா இருக்கு எம்ஆர் ராதாவோடு ஒப்பிட ஒரு தகுதி வேண்டாமா? திராவிடம் நீர்த்து போயி இப்படி தெருவுக்கு வந்திருக்கிறது.

போகிற போக்கை பார்த்தால் எஸ்வி சேகரின் கோரிக்கையான பார்பனர்களுக்கான  இட ஒதுக்கீட்டை கருணாநிதி நிறைவேற்றி காஞ்சிபுரத்தில் சங்கராச்சாரி தலைமையில் விழா நடக்கும் போல் இருக்கிறது. அப்பொழுதும் விழாவில் பேசும் கருணாநிதி சமூக நீதிக்காக போராடுவதில் ஜெயந்திரரர் பெரியாராக காட்சி அளிக்கிறார் விஜயேந்திரன் சிரிப்பில் அண்ணாவை பார்க்கிறேன் என்று பேசினாலும் பேசுவார். யார் கண்டது?

பின்நவினத்துவம் என்னும் பெயரில் புண்ணாக்கு வியாபாரிகள்! சாருநிவேதிதாவிடம் கவனமாக இருங்கள்.

மார்ச் 4, 2010 § 13 பின்னூட்டங்கள்

பின்நவினத்துவம் என்னும் பெயரில் புண்ணாக்கு வியாபாரிகள்!


நீண்டநாள் எதுவும் எழுதப்பிடிக்காமல் இருந்த என்னை நித்திரையில் இருந்து எழுப்பி இருக்கிறார் நித்தியானந்தசுவாமி.  இன்னும் எத்தனை சுவாமிகள் நான் ‘யோகி’ என்று கிளம்பினாலும் பக்தர்கள் கூட்டம் குறையப்போவதில்லை இவன் இல்லைஎன்றால் இன்னொருவன் என்ற ரேஞ்சுல அடுத்த மடத்தை நோக்கி நம்மாளுக நகறப்போறாங்க அவ்வளவுதான். நித்தியானந்தம் இன்னும் கொஞ்சநாளைக்கு நம்மூரு புலனாய்வு பத்திரிகை மற்றும் தொலைகாட்சிகளுக்கு சரியான தீனி போடப்போகிறார் அவ்வளவே. இந்த செய்தி வெளியானதும் சில தீவிர இந்துமதபிரியர்கள் இந்துமதம் மாத்திரம் அப்படியா  எல்லாமதங்களும் அப்படித்தான் இருக்கிறது என்று பிறமதத்தவர் மேல்பாய்கிறார்கள்.  நித்தியானந்தம் நடிகையோடு களவு வாழ்கை வந்தால்  பாவம் பிறமதத்தவர்கள என்ன செய்வார்கள்? அவர்களா நித்தியானந்தத்திற்க்கு ஆசிரம் கட்டு என்று சொன்னார்கள்?.

இது ஒருபுறம் இருக்க தமிழக இலக்கிய உலகில் பின்நவினத்துவத்தின் பிதாமகன் என்று சொல்லப்படும் சாருநிவேதிதா நித்தியானந்தத்தொடு காட்டிய நெருக்கத்தை தொடர்ந்து பல்வேறு கேள்விக்கணைகள் சாரு மீது வீசப்பட்டிருக்கிறது. சாருவின் இணையத்தில் சிலமுறை உலவியபோழுது நித்தியானத்தத்தின் புகைப்படத்தை பார்த்திருக்கிறேன். வினவு அதற்க்கான ஆதாரத்தை வெளியிட்டு இருக்கிறது. பொறுமைகாருங்கள் நித்தியானந்தம் குறித்த கட்டுரை விரைவில் வெளியிடுகிறேன் என்று குறிப்பு வெளியிட்டு இருந்தார் சாருநிவேதிதா இன்று கட்டுரை வெளியிட்டு இருக்கிறார்.

சாரு குறித்து விமர்சனங்களை வினவு முன்வைத்து இருக்கிறது அந்த விமர்சனத்தின் உள்ளே போவதில் எனக்கு விருப்பமில்லை. வினவின் கட்டுரையில் இருப்பது எனக்கு ஒரு செய்தி அவ்வளவே அதில் விவாதிக்கும் அளவிற்கு எனக்கு அதுகுறித்த விடயங்களில் தெளிவில்லை. என்னை இந்த பதிவை எழுத தூண்டியவை எல்லாம் சாருநிவேதிதா எழுதிய சில எழுத்துக்களே.

நித்தியானந்தா என்ற சாமியார் மக்களுக்கு ஏன் அதிகம் தேவைப்பட்டார் என்ற காரணத்தின் முக்கிய அம்சம் நோய்களில் இருந்து தப்பித்து கொள்ளலாம் மற்றும் ஞானம் அடையலாம் என்ற மக்களின் எண்ணமே. ஞானம் அடைவது என்பது அந்தந்த மக்களின் எண்ணங்கள் சார்ந்தது ஆனால் நோய்களில் இருந்து தப்புவது?

சாருவின் எழுத்துக்கள் :

இப்போது நித்யானந்தரை விமர்சிக்கும் எல்லோரும் ஒரு விஷயத்தை விட்டு விடுகிறார்கள். அல்லது, அதைக் காணத் தவறுகிறார்கள். நித்யானந்தரிடம் ஒரு பெரும் சக்தி இருக்கிறது. அவரால் புற்றுநோயை குணப்படுத்திக் கொண்டவர்கள் பலரை நான் நேரில் சந்தித்திருக்கிறேன். தன்னுடைய அளப்பரிய சக்தியை வைத்துக் கொண்டுதான் அவர் இவ்வளவு பெரிய சாம்ராஜ்யத்தை உருவாக்கி இருக்கிறார். அவர் உருவாக்கிய நித்ய தியான் என்ற தியானத்தைச் செய்தால் நமக்கு எந்த ஆரோக்கியக் குறைவும் ஏற்படாது. அதற்குக் காரணம், அவர் அதையெல்லாம் உருவாக்கியது பதஞ்சலியின் யோக சூத்திரத்திலிருந்துதான்.

/////////////////////////////////////////////////////////////////////////////////////////////////////////////

புற்றுநோயிலிருந்து தப்பித்து கொள்வது எளிதா என்று புற்றுநோய் பற்றி தெரிந்தவர்களுக்கு நன்கு தெரியும். எனது தாயார் கர்பப்பை புற்றுநோயினால் இரண்டாண்டு சிகிச்சை பலனளிக்காமல் இறந்து போனார். எங்கள் பகுதியில் கர்பப்பை புற்றுநோய் மரணங்களை அதிகம் பார்த்து இருக்கிறேன். சாரு என்னும் பொய்யர் சொல்வதுபோல புற்றுநோய் என்பது எவனோ டூபாக்கூர் சாமியார் கைநீட்டியதும் குணமாகிவிடும் சாதாரணநோய் அல்ல. வேலிக்கு ஓணான் சாட்சி என்பதைபோலே சிலருக்கு புற்றுநோய் குணமானதை அவரே பார்த்து இருப்பதாக கதை அளக்கிறார். இவரது வாசககண்மணிகளுக்கு  கொஞ்சமாவது சிந்திக்கும் அறிவுத்திறன் இருக்கிறதா? என்று எண்ணத்தோன்றுகிறது. புற்றுநோயில் பலவகை இருக்கிறது கர்ப்பப்பை புற்றுநோய்  கர்ப்பப்பையை  விட்டு வெளியே பரவுவதற்கு முன்னால் அறுவைசிகிச்சை மூலம் கர்ப்பப்பையை நீக்குவதன் மூலம் நோயிலிருந்து தப்பித்து கொள்ளலாம். மாறாக எவனாது சக்தி மிகுந்தவன் ஆசீர்வதித்தான் என்று நோய் பரவாமல் இருக்காது.

புற்றுநோய்  முப்பது விழுக்காட்டிற்கு மேல் பரவிவிட்டால் குணப்படுத்துவது மிகவும் கடினம் என்று என்னுடைய அம்மாவிற்கு சிகிச்சை அளித்த மருத்துவர்களிடமிருந்து தெரிந்து கொண்டேன். உடலில் ஒரு பகுதியில் செல்களின் அபரீத வளர்சியாலோ அல்லது இரத்தத்தில் அதிகமான வெள்ளையணுக்கள் உற்பத்தியாவதாலே உண்டாகும் நோயினை ஒரு சாமியார்  சக்தியால் மாத்திரமே குணமாக்கிவிடுவார் என்று நம்புவது எவ்வளவு முட்டாள்தனம். இந்த எண்ணம்தான் பல நோயாளிகளை அலைக்கழிக்கிறது அறிவியலைவிட ஆன்மிகம் எந்தவித வலியும் இன்றி குணமாக்கிவிடும் என்று நம்பிக்கையை வளர்த்து மனதளவில் அறிவியல் சார்ந்த நம்பிக்கையை குறைத்து விடுகிறது. எனது அம்மாவின் சிகிச்சையின் போது இந்த கோவிலுக்கு போனால் சரியாகிவிடும் இந்த வேண்டுதலை நிறைவேற்றினால் நோய் குணமாகிவிடும் என்று சொல்லப்பட்டு வந்தது. எனது அம்மாவும் கோவிலுக்கு சொல்வதும் கண்ணீர்விட்டு பிரார்த்திப்பதுமாக இருந்தார்.

புற்றுநோயினை நித்தியானந்தன் குணப்படுத்த முடியும் என்றால் மாந்தர் சமூகத்திற்கு நித்தியானந்தனின் ‘கண்டுபிடிப்பு'(!?) மிகப்பெரிய கொடை. அந்த கண்டுபிடிப்பு என்னவென்று சொன்னால் அதன் மூலம் உலகையே நித்தியானந்தன் நோக்கி திருப்பி இருக்க முடியும்.  நித்தியானந்தன் எப்படி புற்றுநோயை குணப்படுத்தினார் என்று சாரு அறிவியல் பூர்வமாக  பின்நவீனத்துவத்தின் உதவியுடன் விளக்கலாம். பின்நவீனத்துவ வாசகக்கண்மணிகளும்  அந்த மாபெரும் கொடையை போற்றி விழாக்கள் எடுக்கலாம்.

சாரு அயோக்கியனா அல்லது முட்டாளா என்று எனக்கு புரியவேயில்லை.புற்றுநோயை ஒரு சாமியார்  குணப்படுத்தினார் என்று சொல்ல கொஞ்சமும் வெட்கமாக இல்லை போலும் கேட்டால் அதுதான் பின்நவீனத்துவம் என்பார்கள். மது மாது கடவுளர்களை பெரிதும் நேசிப்பதாக வெட்கமில்லாமல் எழுதிகொள்வதனாலே அந்த தைரியம் வாய்த்திருக்கிறது போலும்.  மேலும் ‘நித்ய தியன்’ செய்தால் ஒரு ஆரோக்கியகுறையும் வராதாம் அந்த தியானத்தை கற்பித்த குருவுக்கே குவளை தண்ணீரோடு மாத்திரை எதற்க்காக தேவைப்பட்டது என்ற கேள்விக்கு சாருவிடம் பதில் கிடைக்குமா?

நித்தியானத்தைவிட சாரு மிகப்பெரிய கேடுகளை தனது எழுத்துக்கள் மூலம் செய்துகொண்டிருப்பதாகவே தெரிகிறது. நமது குறிக்கோள் எல்லாம் நித்தியானந்தத்தை அம்பலப்படுத்துவது மாத்திரம் அல்ல. இது போன்ற மோடிமஸ்தான்களை  தேடி ஓடும் மக்களை தடுத்து நிறுத்துவதே. வலியில்லாமல் தனது நோய்க்கு மருந்து கிடைக்கும் என்ற நம்பிக்கையே நோயாளியையும் நோயாளியின் குடும்பத்தினரையும் இது போன்ற சாமியார்களை தேடி ஓடச்செய்கிறது. இப்பொழுது விழித்து கொண்டேன் என்று சொல்லும் சாரு வேறு சாமியாரை தேடி சொல்லுங்கள் என்று சொல்கிறாரே தவிர சாமியார்களின் நமக்கு தேவை இல்லை என்பதை சொல்ல மறுக்கிறார்.

கிறித்துவர்கள் நடத்தும் குருடன் பார்க்கிறான் முடவன் நடக்கிறான் ஊமை பேசுகிறான் என்று அற்புதங்கள் நிகழ்த்தும் கூட்டங்களும். பில்லி சூன்யம் எடுக்கிறோம் என்றோ. பள்ளிவாசலின் வாயில் நின்று குழந்தைகளை மந்திரித்து செல்லும்  பழக்கமும்  கண்டிப்பாக கண்டிக்க வேண்டியதே!  இந்துமதத்தை தீவிரமாக நேசிக்கும் சிலர் நித்தியானந்தம் செய்த தவறைவிட பிறமதத்தவர் முன்னால் இப்படி நடந்துவிட்டதே என்ற வேதனைதான் அதிகமாக இருக்கிறது. பிற மதத்தவர் என்ன ஒழுக்கமா? என்று கேள்வி கேட்டு திருப்தி அடைந்து கொள்கின்றனர். பெரியார்   சொல்வார் மலத்தில் நெளியும் புழுவிற்கு பிற புழுக்களின் நாற்றம் குறித்து பேசுவதற்கு என்ன தகுதி இருக்கிறது என்று.

சாரு ,ஜெயமோகன் போன்ற பின்நவினத்துவ பிழைப்புவாதிகள் எழுக்களை உண்மையான இலக்கியம் என்று நம்பி அவர்களின் எழுத்துநடையை நகலெடுக்கும் கூட்டம் கொஞ்சமேனும் சிந்தித்தால் நல்லது. சமூகத்து ஒருபயனும் இல்லாத குப்பைகளை எழுதி எழுதி எதை சாதிக்க போகிறீர்கள்? புற்றுநோயை  வெறும் அருளாசி வழங்கலின் மூலம் குணப்படுத்திட முடியும் என்று எழுதுவது கூட தனது செம்மறியாட்டு கூட்டத்தினை சார்ந்த ரசிகர்களின் மீதுள்ள நம்பிக்கையினாலே என்பதை நாம் உணர்த்து கொள்ளவேண்டும்.

” மத நூல்களிலும் புராணங்களிலும்
அறிவியலை தேடுவது மலத்தில் அரிசியை பொறுக்குவதற்கு ஒப்பாகும் “

– தந்தை பெரியார்.

ஜெயமோகனின் எழுத்துக்களைவிட லூசுமோகனின் நகைச்சுவை முற்போக்கானது!

ஜனவரி 27, 2010 § 6 பின்னூட்டங்கள்

ஜெயமோகனின் எழுத்துக்களைவிட லூசுமோகனின் நகைச்சுவை முற்போக்கானதே!


ஜெயமோகன் குறித்து நான் சொல்வதற்கு முன்பே பலருக்கு அவரது எழுத்தின் தரம் என்னவென்று தெரிந்திருக்கும். சமீபத்தில் ஓர்குட் விவாதத்தில் வைக்கம் குறித்த ஜெயமோகனின் உளறல்களுக்கு பதில் அளிக்கவேண்டியதன் பொருட்டு ஜெயமோகனின் வலைப்பூவை வாசிக்க நேர்ந்தது.  வைக்கம் போராட்டம் குறித்து நாம் இதுவரை கேள்விப்பட்டிராத கோணத்தில் தனது கற்பனை தட்டிவிட்டதோடு பெரியார் மீதான தனது வன்மத்தை வெளிப்படுத்தி இருக்கிறார்.

வைக்கம் போராட்டம் குறித்து எழுதிய காந்தி பெரியார் என்ற மனிதரே இல்லாமல் பார்த்துக்கொண்டார் இப்பொழுது தன்னை காந்தியின் பக்தர் என்று காட்டிக்கொள்ள முயலும் ஜெயமோகனோ பெரியாருக்கு வைக்கம் போராட்டத்தில் பெரிதாய் பங்கில்லை என்ற கருத்தாக்கத்தை உருவாக்க முயல்கிறார்.  பொதுவாக தாழ்ந்தசாதி என்று அழைக்க கூடாது தாழ்த்தப்பட்டசாதி என்று அழைக்கவேண்டும் என்று காலம்காலமாக கூறப்பட்டு வந்தாலும் ஈழவர்களை தாழ்ந்தசாதி என்று கட்டுரையின் பல இடங்களில் எழுதி தனது வன்மத்தையும் தான் யார் என்பதையும் நமக்கு விளக்கி இருக்கிறார்.

அதாவது ஜெயமோகன் எப்போது பதிவு போட்டாலும் நேரடியாக அந்தப்பிரச்சனைக்குள் போகாமல் சுத்தி வளைத்து அன்னைக்கு என்ன நடந்தது தெரியுமா பெரியார் எப்படி தெரியுமா? என்றெல்லாம் அவரை பின்பற்றும் ஆட்டுமந்தைகளை சுற்றவிட்டு பின்னால் மெதுவாக பூனையை வெளியே எடுப்பார்.

அன்று நிறையப்பேர் போராடினார்கள் பலபேர் சிறைசென்றார்கள் அப்படி சிறை சென்றவர்களில் பெரியார் தனது மனைவியோடு கைதானார்அவ்வளவுதான் பெரியாரின் வைக்கம் போராட்டத்தில் பங்கு அப்பொழுது அவருக்கு வயது வெறும் 45 தான் அப்போது அவர் அவ்வளவு பிரபலம் இல்லை பின்னாளில் சுயமரியாதை இயக்கம் ஆரம்பித்து செல்வாக்கு பெற்றார் அப்படின்னு தனது வழமையான அரைவேக்காட்டுத்தனத்தை முன்வைத்தால் உடனே அவரது வாசகர்களான செம்மறியாடுகள் தே’மே’ என்று பின்னால் செல்லும்.

பெரியார் தனது மனைவியோடு போராட்டத்தில் கலந்து கொண்டு கைதானாராம். இதைவிட இந்த ஜெயமோகனை நாம் எப்படி அம்பலப்படுத்துவது?. பெரியார் கைதாகி சிறையில் அடைக்கப்பட்ட பின்னரே பெரியாரின் மனைவி நாகம்மாள், சகோதரி கண்ணம்மாள் ஆகியோர் வைக்கம் விரைந்து வைக்கம் போராட்டத்தை தொடர்ந்து எழுச்சிகுறையாமல் நடத்தினார்கள்  என்பது வரலாற்று உண்மை.

வைக்கம் வீரர் என்று பெரியார் தன்னைத்தானே அழைத்து கொண்டது போலே ஜெயமோகன் ரெம்பவும் கவலை கொண்டிருக்கிறார். வைக்கம்வீரர் என்று திருவிக அவர்கள் பெரியாருக்கு பட்டம் வழங்கியதும் ஆனால் பெரியார் எப்பொழுதும் தன்னை வைக்கம்வீரர் என்று அழைத்து கொண்டதில்லை என்பதையும் நாம் இங்கே காணவேண்டும்.வெறும் கடிதத்தின் மூலம் மட்டுமே ஆதரவு வழங்கிய காந்தியை முன்னிறுத்தி. நேரடியாக களத்தில் இறங்கி போராடி சிறைசென்று தனது குடும்ப பெண்களை போராட்டத்தில் ஈடுபடும்படி செய்த பெரியாரைவிட சூத்திரர் போலே பஞ்சமரும் கோவிலுக்குள் செல்லலாம் என்று அறிக்கைவிட்ட காந்தியை முன்னிறுத்துவது எவ்வளவு பெரிய அயோக்கியத்தனம் என்று சிந்தியுங்கள்.

வைக்கம் போராட்டத்தில் கலந்து கொள்ள பெரியார் கேரளா சென்றபொழுது மன்னர் பெரியாரை வரவேற்று அரசு விருந்தினாராக அழைத்த பொழுது தான் போராட வந்திருப்பதால் தன்னால் விருந்தினராக இருக்க முடியாது என்று பெரியார் தெரிவித்ததோடு தீண்டாமைக்கு எதிராக போராடி சிறை சென்றார் என்பதை நாம் மறந்துவிடமுடியாது.

ஜெயமோகனின் லூசுத்தனத்தில் உச்சகட்டம் என்னவென்றால் வைக்கம் வீரர் பெரியார் என்றால் கேரளாவில் சிரிக்கிறார்களாம். உங்களை எழுத்தாளர் என்றால் கேரளாவில்  என்ன செய்கிறார்கள் நீங்கள்தான் சொல்லவேண்டும். 1965 பெரியார் கேரளாவிற்கு அழைக்கப்பட்டு பாராட்டப்பட்டார் என்பது ஜெயமோகனுக்கு தெரியாமல் போனது ஆச்சரியமே.

காந்தி பற்றி நம்மிடம் பல விமர்சனங்கள் உள்ளன ஆனால் காந்தியை பெரியாரோடு ஒப்பிட்டு பெரியார் எல்லாம் ஒண்ணுமில்லை தெரியுமா காந்திதான் பெரியாளு தெரியுமா என்கிறார். காந்தி வரலாற்று நாயகன் அந்த வரலாற்று நாயகன் வாழ்ந்த காலத்தில் பலகுரல்கள் எழுந்தன அப்படி எழுந்த குரல்களில் ஒன்று பெரியார் அவ்வளவே அவர் ஒன்றும் மாபெரும் மக்கள் தலைவர் அல்ல என்பதே ஜெயமோகனின் கருத்தாக்கம். பெரியார் ஒற்றை குரலாக இருந்தாலும் ஒடுக்கப்பட்ட மக்களின் உரிமைக்குரலாக இருந்தார்.புரட்சி என்பது எல்லாவற்றையும் புரட்டி போடுவது. மனிதனுக்கு சுயமரியாதையும் பகுத்தறிவையும் போதிப்பது. பெரியார் தான்வாழும் காலம் முழுவதும் புரட்சியாளனாக இருந்தார். சாதியின் பெயரால் கட்டமைக்கப்படும் தீண்டாமையை எதிர்த்தார். சாதி ஒழியவேண்டும் என்று தொடர்ந்து குரல்கொடுத்து போராடிய தலைவர் பெரியார். காந்தியார் வர்ணாசிரம கொள்கைகளை ஆதரித்தார். ஒருவன் தனது குலத்தொழில் செய்வதன் பொருட்டு மேன்மை அடையலாம் என்றார் காந்தி அது தவறு என்று பெரியார் தொடர்ந்து முழங்கினார்.

மேலும் காந்தியை எதிர்த்த பெரியார் காந்தி கொல்லப்பட்ட பொழுது இந்த தேசத்தை காந்திதேசம் என்று அறிவியுங்கள் என்றார் இதன் மூலம் பெரியார் கொள்கைகளில் உறுதியில்லாத மனிதர் என்கிறார் ஜெயமோகன். ஜெயமோகனின் மேதாவித்தனம் இப்படி இருக்கிறது காந்தி தன்வாழ் முழுவதும் பார்பனர்களுக்கு ஆதரவாக செயல்படுகிறார் ஒருவேளை காந்தி அதைமீறினால் கொல்லப்படுவார் என்று பெரியார் சுட்டிக்காட்டி வந்தார். பார்பனர்களாலேயே  காந்தி சுட்டுக்கொல்லப்பட்டபொழுது கொலை செய்த பார்பனர்களை தண்டிக்கும் விதமாகவே இந்த தேசத்தின் பெயரை காந்தியதேசம் என்று வையுங்கள் அப்பொழுதாவது பார்பனர்கள் விதைத்த சாதியை ஒழியுங்கள் என்கிறார் பெரியார். பின்னாளில் ராஜாஜி  , “சிலர் தீண்டாமை ஒழிய வேண்டுமென்றதைத் தப்பாகப் புரிந்து கொண்டு, சாதியே ஒழிய வேண்டுமென்கிறார்கள். காந்தி ஒருக்காலும் சாதி ஒழிய வேண்டும் என்று சொல்லவில்லை; சாதி காப்பாற்றப்பட வேண்டுமென்றார்’ என்று மதுரையில் பேசியதை கண்டு சாதியை ஒழிக்காவிட்டால் காந்தி படத்தை எரிப்போம் என்கிறார்.  காந்தின் பெயரை சொல்லி அரசியல் நடத்துகிறாய் அந்த காந்தியின் படத்தை எரிப்பது கண்டாவது சொரணை வந்து சாதியை ஒழிக்க வழியைப்பார் என்கிறார்.

பெரியாரின் நோக்கம் யார் மகாத்மா அல்லது யாரை மக்கள் அதிகம் பின்பற்றுகிறார்கள் என்று வெங்காயம் உரிப்பதில்லை. பெரியாரின் நோக்கம் சாதி ஒழியவேண்டும். ஏற்றத்தாழ்வுகள் நீங்கவேண்டும் என்பதே என்பதை ஜெயமோகன் போன்ற இலக்கிய புண்ணாக்குகளுக்கு தெரிந்திருக்க நியாயமில்லைதான்.  இப்படியாக ஜெயமோகன் ஏதோவொரு இலக்கு நோக்கி எழுதிகொண்டிருக்கிறார். இவரை பின்பற்றும் செம்மறியாட்டு கூட்டத்திற்கு இவர்காட்டும் வழி கசாப்புகடையில் சென்று முடிவடையும் என்று தெரிவதில்லை.

பழைய தமிழ் திரைப்படங்களில் லூசுமோகன் என்ற நகைச்சுவை நடிகரை பார்த்திருப்பீர்கள். கண்களை சிமிட்டி கொண்டு குடிகாரர் போன்று சென்னை மொழியோடும் வித்தியாசமான உடல்மொழியோடும் நடித்து சிரிப்பு மூட்டுவார்(அவரை ஏன் லூசுமோகன் என்று அழைக்கிறார்கள் என்று தெளிவாக தெரியவில்லை). குப்பத்து மொழியை அருமையாக உச்சரிப்பார் பாதி வசனம் போசிமுடிப்பதற்குள் மயங்கி சரிந்து விடுபவராக வருவார். பிறரை பேமானி கஸ்மாலம் என்று திட்டுவார் தற்போதைய நகைச்சுவைநடிகர்கள் போன்று “சண்டாளா!” என்ற சாதி வன்மம் நிறைந்த சொற்களை லூசுமோகன் பேசியதாக நியாபகமில்லை.  தனக்கென தனியான நகைச்சுவையோட்டமோ, கதையில் லூசுமோகனுக்கென்று தனிமுக்கியத்துவமோ கொடுக்கப்படாவிட்டாலும். அவரது நகைச்சுவைக்காட்சிகள் பார்பவர்கள் சில நிமிடங்கள் சிரிக்க வைப்போதொடு முடிந்து விடுகிறது.  இவரது நகைச்சுவை காட்சிகள் யாரையும் புண்படுத்துபவையாகவோ அல்லது தவறாக சிந்திக்கவைப்பதாகவோ இருந்ததில்லை.

ஜெயமோகன் போன்ற மோசமான பின்விளைவுகளைத்தரும் பின்நவீனத்துவ எழுத்தாளர்களில் எழுத்துக்களை விட  பல படங்களில் விளிம்பு நிலைமனிதராகவும் குப்பத்து மனிதனாகவே நடித்துவிட்டு போன லூசுமோகனின் நகைச்சுவைகாட்சிகள் முற்போக்கானதாகவே தெரிகிறது.

(பின்குறிப்பு: இக்கட்டுரையில் போடுவதற்காக லூசுமோகனின் புகைப்படத்தை தேடித்தேடி அலுத்துவிட்டேன். யாரிடமாவது லூசுமோகன் படம் இருந்தால் அனுப்பி வைக்கவும்)

லூசுமோகன் புகைப்படத்தை மின்னஞ்சலில் அனுப்பிய தோழர் அசொ விற்கு எனது நன்றிகள்

அ சொ
http://maduraseigai.blogspot.com/

சூரியனுக்கே டார்ச் அடிப்போம் என்கிறது தமிழ் இந்து!

திசெம்பர் 21, 2009 § 6 பின்னூட்டங்கள்

பெரியாருக்கு எதிராக புழுதிவீசும் தமிழ் இந்து -2

சூரியனுக்கே டார்ச் அடிப்போம் என்கிறது   தமிழ்இந்து!


இதுவரை நான் சந்தித்திராத அளவு அதிகமான பின்னூட்டங்களும் வசைமொழிகளும் தமிழ் இந்து விமர்சன பதிவிற்கு வந்திருக்கிறது. இதன்மூலம் தமிழ் இந்து எவ்வளவு தொண்டர்களை தம்வசம் வைத்துள்ளது என்பது புரிகிறது. தமிழ் இந்துவிற்கு ஆதரவாக எழுதுபவர்கள் பொதுவாக சிறுபான்மை மக்கள் மீது தங்கள் கசப்பு உணர்வை வெளிப்படுத்துபவர்களாகவும் இப்பெல்லாம் யாருங்க சாதி பார்கிறா? என்று அப்பாவி(?) தனத்துடன் கேள்வி கேட்பவர்களாகவும் இருக்கிறார்கள்.

தமிழ் இந்துவில் பெரியாருக்கு எதிராக  ஒரு தொடரே எழுதி கொண்டிருக்கிறார்கள். விட்டால் பெரியார்தான் தமிழகத்தில் சாதியத்தை கொண்டுவந்தார் என்று வரலாறு எழுதினாலும் எழுதிவிடுவார்களோ என்ற ஐயம் எழாமல் இல்லை. எல்லோரும் வேதநூல் படிக்கலாம் என்றும் ஒரு தொடர் போனசாக போய்க்கொண்டு இருக்கிறது. ஆனால் மனுதர்மம் வேறுமாதிரியாக சொல்லுகிறது.

மனு தனது அத்தியாயம் 12, ஸ்லோகம் 4 இல் இவ்வாறு சொல்கிறார்:
“வேதத்தைக் கற்க முனையும் சூத்திரனின் காதில் ஈயத்தையும், அரக்கையும் காய்ச்சி ஊற்ற வேண்டும், மீறிப் படிப்பானேயானால், அவனது நாக்கைத் துண்டிக்க வேண்டும், வேதத்தை முழுமையாக ஒரு சூத்திரன் படித்து அறிவானேயானால் அவனைக் கண்டதுண்டமாக வெட்டிக் கூறு போடவேண்டும்”.

இவர்கள் புதிதாக வேதம் எல்லோருக்கு பொது என்று  கதைவிட்டு கொண்டிருக்கிறார்கள்.
மூட நம்பிக்கையில் ஒட்டுமொத்த குத்தகைதாரர்களாக தம்மை தமிழ் இந்து நம்பிக்கொண்டு இருக்கிறது போலும். சுயமரியாதை இயக்கத்தினரின் எழுதிய புத்தகங்களை பெருச்சாளி போல குடைந்து குடைந்து எங்காவது இவர்களுக்கு சாதகமாக ஏதாவது எழுதிவிடமாட்டர்களா? என்று ஏங்கிய ஏக்கம் நமக்கு புரிகிறது.

“சகோதரர்களே! நான் சொல்வன எல்லாம் எனது சொந்த அபிப்ராயங்கள்தாம் என்று சொல்வதோடு நான் ஒரு சாதரண மனிதன்தான். எவ்விதத் தன்மையும் பொருந்திய தீர்க்கதரிசியல்லன். ஆகையால் தனிமனிதன் என்கிற முறையில்தான் என்னுடைய அபிப்ராயங்களையும் – நான் பார்த்தும் ஆராய்ச்சி செய்தும் அனுபவத்தில் அறிந்ததுமானவைகளைத்தாம் – எதிலும் எனக்குச் சரியென்று பட்டதைத்தான் உரைக்கிறேன். ‘ஒரு பெரியார் உரைத்துவிட்டார்’ என நீங்கள் கருதி அப்படியே கேட்டு நம்பிவிடுவீர்களானால் அப்போது நீங்கள் யாவரும் அடிமைகளே!… யார் உரைப்பதையும் நாம் கேட்டு ‘வேத வாக்கு’ என்று நம்பி நடப்பதால் தான் நாம் இன்று அடிமைகளாக இருக்கிறோம். ஆகவே நான் உரைப்பவைகளை ஆராய்ந்து பாருங்கள். உங்களுக்கு அவை உண்மையென்று தோன்றினால் அவைகளை ஏற்றுக்கொள்ளுங்கள்; இல்லாவிட்டால் தள்ளி விடுங்கள்”
– பெரியார்

இன்னும் சந்திரகிரகணகாலங்களில் பாம்பு நிலவை விழுங்கிவிடுகிறது என்று நம்பிக்கொண்டு அலையும் இந்த மூடநம்பிக்கை கூட்டம் சுயமரியாதை இயக்கத்திற்கே பகுத்தறிவை போதிக்கிறது.  உதாரணமாக சம்பூகனை ராமன் கொலைசெய்ததற்கு காரணம் வர்ணாசிரம கொள்கைகள்தானே? என்று சுயமரியாதை இயக்கத்தினர் கேட்டால் இவர்கள் பொங்கி விடுகிறார்கள்.
உங்களுக்குத்தான் ராமாயணத்தின் மீது நம்பிக்கை இல்லையே ராமன் மீது நம்பிக்கையில்லையே அப்புறம் எதுக்கு ராமாயணம் பத்தி எல்லாம் கேள்வி கேட்குறீங்க? என்று சுயமரியாதைக்காரர்கள் பகுத்தறிவுவாதிகளுக்கு பகுத்தறிவை போதிக்கிறார்கள்.  இவர்களிடம் கொஞ்சமாவது பகுத்தறிவு இருந்தால் இவர்கள் இப்படி எழுதுவதை நாம் கருத்தில் கொள்ளலாம் ஆனால் இவர்கள் மூடநம்பிக்கைகளின் காவலர்களாக இருந்துகொண்டு நமக்கே பகுத்தறிவினை போதிப்பது கிராமத்தில் நடைமுறையில் இருக்கும் ஒரு பழமொழிதான்   நியாபகத்திற்கு வருகிறது.
இவர்களின் தயாரிப்புகள்தான்  தேவநாதன் கருவறைக்குள் செய்தது குறித்து பகுத்தறிவாளர்கள் எழுதினால் “உங்களுத்தான் கோவில் பிடிக்காதே அப்புறம் எதற்கு கோவில் குறித்து கவலை படுகிறீர்கள் என்று புத்திசாலித்தனமாக கேள்வி கேட்கிறார்கள் போலும்.
எதனால் வேதத்தை எதிர்க்கிறோம் என்பதற்கான காரணங்களை நாம் சொல்ல கூடாதாம். உங்களுக்கு நம்பிக்கை இல்லையே பிறகு எதற்கு அதை பற்றி பேசுகிறீர்கள் என்கிறார்கள்.

மணியம்மை மனசோர்வு ஏற்படும் பொழுதெல்லாம் பெரியார் கூறிய வாசகங்கள் என் மனதில் தோன்றி என் சோர்வை நீக்கி விடுகிறது என்று எழுதியதை ஏதோ புராணக்கதைகளில் வானத்தில் இருந்து ஒலிக்கும் அசரிரீயோடு  ஒப்பிட்டு மணியம்மை அவர்களை மூடநம்பிக்கைவாதி என்று முத்திரை குத்த முயல்கிறார்கள்.

பெரியார் தனது மனைவி நாகம்மையார் இறந்தபொழுது  அங்கே வந்த பெண்களை அழவிடாமல் செய்தார் அதே பெரியார் ராஜாஜி இறந்தபொழுது கண்ணீர்விட்டு அழுதார் பார்த்தீர்களா ஊருக்கு ஒரு நியாயம் பெரியாருக்கு ஒரு நியாயம் என்று தப்பாக அர்த்தம் கற்பிக்கிறது தமிழ் இந்து.

பொதுவாக ஒருவர் இறந்துவிட்டால் “ஒப்பாரி” என்ற பெயரில் இறந்தவரின் உடலைசுற்றி அமர்ந்து கொண்டு பெண்கள் ஒப்புக்காக அழுவார்கள். அது உண்மையில் அழுவதில்லை வெறும் ஒப்புக்கு அழுவதால்தான் அதன் பெயர் ஒப்பாரி அதனை தடை செய்யவேண்டும் என்று பெரியார் விரும்பினார் நடத்தி காட்டினார். ஒருவரின் பிரிவால் வருந்துவது வேறு பாசங்கிற்காக அழுவது வேறு. இறந்தவீட்டின் இறுக்கமான சூழலை மேலும் இறுக்கமாக்கும் ஒப்பாரியை தடை செய்தததை ஏதோ பெரியார் உறவினர் யார் இறந்தாலும் அழக்கூடாது என்று சொன்னது போல திரித்து எழுதி தனது வன்மத்தை தீர்த்து கொள்கிறது.

இறந்தவர்களின் உடலை சுற்றி மத சடங்குகள் என்ற பெயரில் நடக்கும் அவலங்களைத்தான் பெரியார் கண்டித்தார் என்பதை நாம் உணர்ந்துகொள்ள வேண்டும். ஒருவரின் பிரிவினால் கண்ணீர் அரும்புவது இயற்கையான ஒன்று அதனை சுயமரியாதை என்றும் தவறு என்று சொல்லவில்லை.

அதாவது பெரியாரின் பிரிவால் மணியம்மை கண்ணீர் சிந்தினாலும் ராஜாஜி இறந்ததும் பெரியார் கண்ணீர் சிந்தினாலும் அது தவறு என்கிறது தமிழ் இந்து. சுயமரியாதைக்காரனுக்கு கண்ணீர் விடுவது கூட மூடநம்பிக்கை என்று புதிதாக நமக்கு பகுத்தறிவு போதிக்கிறது இந்த மூடநம்பிக்கை குழு.

பெரியார் நிகழ்விற்கு மொமரியல் ஹாலில் அனுமதி கிடைக்கவில்லை என்பதற்காக பெரியார்திடல் நிறுவப்பட்டது அந்த நிகழ்வில் பெரியார் கருத்து சுதந்திரத்திற்கு மதிப்பளித்து இந்த அரங்கை யார் வேண்டுமானாலும் மாற்று கருத்து இருப்பினும் அவர்கள் நிகழ்வை நிகழ்த்த அனுமதிக்கும் படி இந்த திடல் திகழட்டும் என்று பேசினார்.

தமிழ் இந்துவிலிருந்து

ஈ. வே. ராமசாமி நாயக்கர் எவ்வளவு முட்டாள்தனமான காரியத்தை செய்திருக்கிறார் என்பது புலனாகும். மற்றொன்றையும் யோசிக்கும்போது ஈ. வே. ராமசாமி நாயக்கரே, மூடநம்பிக்கை வளர ஏற்படுத்தித்தந்த இடம்தான் பெரியார் திடல் என்பதையும் யாராலும் மறுக்கமுடியாது.

ஈ. வே. ராமசாமி நாயக்கருடைய இந்த வழி எப்படி தவறானது என்பதை இப்போது பார்க்கலாம்.

மெமோரியல் ஹால் என்ற கிறிஸ்தவர் இடம் கொடுக்கவில்லை என்றால் யாருக்கு நஷ்டம்? இடம் கொடுக்காதவர்களுக்குத்தானே நஷ்டம்! அந்த இடம் இல்லையென்றால் வேறு இடத்தில் நடத்தலாம் அல்லவா? அதைவிட்டுவிட்டு அவர் இடம் தரவில்லை. அதனால் பொது மன்றம் ஒன்றை ஆரம்பித்தேன் என்று ஈ. வே. ராமசாமி நாயக்கர் சொன்னது பகுத்தறிவின் செயலா? அதுவும் கொண்ட கொள்கைக்கு ஆபத்து ஏற்படுவதென்றால் அது வீண்வேலை தானே!

உதாரணமாக ஒன்றை நினைத்துப்பாருங்கள்.

ஈ. வே. ராமசாமி நாயக்கரின் பேட்டியை ஒரு பத்திரிகை அவர்களின் கொள்கைக்கு முரணாக இருப்பதால் வெளியிடவில்லை என்பதற்காக எல்லோருடைய கொள்கைகளையும் சொல்லும் பத்திரிகை ஒன்றை ஆரம்பிக்கிறேன் என்று  ஈ. வே. ராமசாமி சொல்வாரா?

###################################################

பெரியார் கருத்துகளை பார்பன ஊடகங்கள் இதுவரை வெளியிட்டத்தில்லை அவரது சிந்தனைகளை குடியரசு மூலம்தான் மக்களை அடைந்தது இவர்களுக்கு தெரியாது போலும். எங்களோடு மாற்று கருத்து இருந்தாலும் தைரியமாக எங்கள் திடலை தருகிறோம் நிகழ்வு நடத்தி கொள்ளுங்கள் என்ற தைரியம் பெரியார் தவிர்த்து வேறு யாரிடமும் இருந்ததாக தெரியவில்லை. பார்பன ஏடுகள் முதல் அரங்கங்கள் வரை அவர்கள கொள்கைகைகளோடு ஒத்து போகாதவர்களை புறக்கணிக்கும் சூழலில் மாற்று கருத்தை மதிக்கும் பெரியாரின் உயர்ந்த உள்ளம் இது போன்று பார்பனிய கும்பலிடம் நாம் எதிர்பார்க்க முடியாதுதான்.

பிறமாநிலங்களில் இன்னும் சாதிய பெயர்களை தாங்கிக்கொண்டு நாயர், நாயுடு, கவுடா என்று அலையும் வேளையில் பெயரில் இருக்கும் சாதிய பெயரை விட்டொழித்துள்ளது தமிழ்நாடு அதற்கு முழு காரணம் பெரியாரும் அவரது இயக்கமும். சாதி வெறிபிடித்த பார்பனிய கும்பல் இன்னும் பெரியாரை நாயக்கர் என்று அழைத்து தங்கள் அரிப்பை தீர்த்து கொள்கிறார்கள்.

தான் இறக்கும் பொழுது இந்துவாக இருக்கமாட்டேன் என்றும் இந்துமதத்தின் புராண குப்பைகளை அதன் வேத நூல்களின் வாயிலாகவே அம்பலப்படுத்திய அண்ணல் அம்பேத்காரை துணைக்கு அழைக்கிறார்கள் பெரியாரை எதிர்க்க. பெரியாரை எதிர்க்க இவர்கள் அண்ணலை நாடுகிறார்கள் என்றாலே அது பெரியாரை கண்டு இவர்கள் எவ்வளவு நடுங்கி போயிருக்கிறார்கள் என்பது தெளிவாகிறது.

சில அறிவிலிகள் பெரியார் எங்களுக்காக உழைக்கவில்லை அவர்களுக்காக உழைக்கவில்லை என்று உளறி கொண்டு இருக்கிறார்கள் அவர்களுக்கான பதிலை அடுத்த கட்டுரையில் கொடுக்கலாம் என்று இருக்கிறேன். தமிழ் இந்துவின் முகத்திரை தொடர்ந்து கிழிப்போம்.

பெரியாருக்கு எதிராக புழுதி வீசும் தமிழ் இந்து!

திசெம்பர் 11, 2009 § 27 பின்னூட்டங்கள்

பெரியாருக்கு எதிராக புழுதி வீசும் தமிழ் இந்து!

தமிழ் இந்து “தமிழர்களின்  தாய் மதம்” என்ற அடைமொழியுடன் பெரியாரை நோக்கி அவதூறு கிளப்பபுறப்பட்டு இருக்கிறது பார்ப்பன கும்பல் ஒன்று.  வழமையாக இவர்கள் பெரியாரை நோக்கி அவதூறு கிளப்புபவர்கள் என்பது நாம் அறிந்ததே. ஆனால் இந்தமுறை பெரியாரின் நூல்களில் இருந்து பல செய்திகளை எடுத்து அங்கொன்றும் இங்கொன்றுமாக வார்த்தைகளை வெட்டி பெரியாரின் வார்த்தைகளுக்கு புதிய விளக்கம் கொடுக்க புறப்பட்டு இருக்கிறார்கள். பெரியாருக்கு எதிரான இந்துமத பூசாரிகளுக்கும், வலதுசாரி தமிழ்தேசியம் பேசும் சில போலிதமிழ்தேசியவாதிகளுக்கும் இவர்கள் பெரியார்வாதிகளுக்கு எதிராக ஆயுதம் தயாரித்துதரும் வேலைகளை செய்துகொண்டு இருக்கிறார்கள்.

இவர்கள் பெரியார் குறித்து வைக்கும் குற்றசாட்டுகளுக்கு பெரியார்வாதிகள் யாரேனும் கண்டிப்பாக பதில் கூறுவார்கள் என்ற நம்பிக்கையில் இதுவரை காத்திருந்தேன். தமிழ் ஓவியா போன்ற பெரியார்வாதிகள் எதிர்வினை ஆற்றி வருவது ஆறுதல் அளிக்கிறது. மதிமாறன் இதுபற்றி எழுதினால் சரியாக இருக்கும் என்பதே எனது கருத்தாக இருந்து வந்தது. சமீப காலமாக மதிமாறன் வேறுதிசையில் பயணிக்க ஆரம்பித்துவிட்டார் என்று தோன்றுகிறது. தமிழ் இந்துவில் ஆயுள்கால சந்தாதாரராக செயல்படும் திருச்சிக்காரன் மதிமாறன் வலைப்பூவை குத்தகைக்கு எடுத்து கொள்ள ஆரம்பித்து விட்டார்.பெரியாரும் அண்ணாவும் இணைந்து கொள்ளை அடித்துவிட்டு அதனை பகிர்ந்து கொள்ள சினிமா பாணியில் சண்டை பிடித்தனர் என்று கருத்து தெரிவித்த திரிச்சிகாரர்  இப்பொழுதுதான் மதிமாறன் சரியான திசையில் பயணிப்பதாக பாராட்டு பத்திரம் வாசிக்கிறார். மதிமாறன் அளவிற்கு நான் ஒன்று பெரிய ஆய்வாளன் அல்ல நேற்று எழுத துவங்கிய சின்னப்பயலாக நான் இருந்தபொழுதும் பெரியாரை நேசிப்பவன் என்ற முறையில் தமிழ் இந்துவிற்கு பதில் சொல்லும் கடமை எனக்கும் உள்ளது  என்பதால் எனது எதிர்வினையை பதிவு செய்கிறேன்.

தாழ்த்தப்பட்டோருக்குப் பாடுபட்டவரா ஈ.வே.ராமசாமி நாயக்கர்?

என்ற தலைப்பில் பெரியாரை தாழ்த்தப்பட்டோருக்கு எதிரானவர் என்று நிறுவ முயன்று இருக்கிறார்கள்.  காந்தி சூத்திரர்கள் போலவே பஞ்சமர்களும் கோவிலுக்குள் செல்லும் உரிமை உள்ளது என்று கூறியபொழுது பெரியார் இவ்வாறு கூறினார் “நடுநிலைசாதியான சூத்திரர்கள் கிழே இறங்கி கடைநிலைசாதியான பஞ்சமர்களோடு சேரலாம் என்று காந்தியாரின் கூற்று இருக்கிறது . சூத்திரர்கள் ஏற்கனவே இருந்தநிலையில் இருந்து ஒருபடி கிழே இறங்கலாம் ஆனால் பார்பனர்கள் அப்படியே இருக்க வேண்டும். இது பார்ப்பனர்களின் மனுதர்மத்தை காப்பதாக இருக்கிறது. இதை கடுமையாக எதிர்க்க வேண்டும். காந்தியாரின் பேச்சு வர்க்க வேறுபாடுகளை களைவதாக இல்லாமல். வர்க்க வேறுபாடுகளை காப்பதாகவே இருக்கிறது. “

காந்தியின் அறிவித்த கோவிலுக்குள் தாழ்த்தப்பட்டவர்களும் செல்லலாம் என்ற அறிவிப்பு பார்ப்பனர்களின் நிலையை காப்பதோடு வர்ணாசிரம சித்தாந்தங்களை காப்பதுமாக இருக்கிறது என்பதே பெரியாரின் கருத்து.

இதனை இவர்கள் இவ்வாறு திரித்து எழுதி இருக்கிறார்கள்.

தமிழ் இந்துவிலிருந்து:

காந்திஜி, ”கோவிலுக்குள் தாழ்த்தப்பட்ட மக்கள் செல்வதில் எந்தக் கோவிலிலும் சூத்திரர்கள் எதுவரையில் செல்லமுடியுமோ அந்த அளவுவரையில்தான் தாழ்த்தப்பட்ட மக்கள் (அரிஜனங்கள்) செல்லலாம்” என்று சொன்னபோது அதன் மீது ஆத்திரப்பட்டு ஈ.வே.ராமசாமி நாயக்கர் கூறியது என்ன தெரியுமா?

”தீண்டாமை விலக்கு என்பதும் கோவில் பிரவேசம் என்பதும் சூத்திரனைப் பறையனோடு சேர்ப்பதுதானா? பறையன் கீழ்சாதி என்பது மாற்றப்படவில்லையானால் அதற்காக சூத்திரனைப் பறையனோடு சேர்ப்பதா? இந்த அனுமதியானது இதுவரை நடுசாதியாக இருந்த சூத்திரர் என்பவர்கள் இப்போது கீழ்சாதியாகவே ஆக்கப்பட்டுவிட்டார்கள். ஆனதால் இதை நாம் அனுமதிக்கக்கூடாது” என்று ஈ.வே.ராமசாமி நாயக்கர் கூறுகிறார்.

(நூல்: வைக்கம்போராட்ட வரலாறு – வீரமணி)

தாழ்த்தப்பட்டவர்களுக்காக உழைத்தவர் என்று சொல்லுகின்ற ஈ.வே.ராமசாமி நாயக்கர்தான், பறையர்களை சூத்திரர்களோடு ஒன்றிணைக்கக்கூடாது என்று சொல்கின்றார். காரணம் சூத்திரர்களோடு சேர்த்தால் நடுசாதியாக இருந்த சூத்திரர் கீழ்ச்சாதியாக ஆக்கப்பட்டுவிடுவார்களாம். இதுதான் ஈ.வே.ராமசாமி நாயக்கரின் சாதிப்பற்று

/////////////////

இங்கே பார்பனர்கள் அப்படியே இருப்பார்கள் என்று பெரியார் கூறியதை வெட்டி வீசிவிட்டு பெரியார் சாதிய அபிமானி என்று போலி ஆவணம் தயாரித்து இருப்பது அம்பலமாகிறது.

பெரியார் தாழ்த்தப்பட்டோர் படித்து வருவதால்தான் வேலையில்லா திண்டாட்டம் ஏற்படுகிறது என்று சொன்னதாகவும் தாழப்பட்ட பெண்கள் ரவிக்கை அணிவதால் பருத்தி பஞ்சம் ஏற்படுவதுவாக கூறினார் என்று கற்பனைக்கு எட்டாத புனைவுகளை எடுத்து வைக்கிறார்கள்.
தமிழ் இந்துவிலிருந்து:


அதே போல, துணி விலை ஏறிவிட்டதற்குக் காரணம் இப்போது பறைச்சிகளெல்லாம் ரவிக்கைப் போடுவதுதான். வேலையில்லாத் திண்டாட்டம் அதிகரிப்பதற்கு காரணம் பறையன்களெல்லாம் படித்துவிட்டதுதான் என்று ஈ.வே.ராமசாமி நாயக்கர் கூறியதாக தாழ்த்தப்பட்ட தலைவர்கள் இன்றும் கூறுகின்றனர். இது உண்மை இல்லை என்று இதுவரை திராவிடர்க் கழகம் தெளிவுப்படுத்தவில்லை

//////////////////////////////

திராவிடர் கழகம் தெளிவு படுத்தாவிட்டால் என்ன? இவர்களின் கற்பனைத்திறன் நமக்கு தெளிவாகிவிடுகிறது. வர்ணாசிரம கொள்கைகள் முற்றிலும் ஒழிக்கப்பட வேண்டும் என்று முழங்கினார் பெரியார் என்பது சிறுவர்களுக்கும் தெரியும் அப்படி இருக்க இந்த அறிவாளிகளுக்கு தெரியாமல் இருப்பது ஆச்சரியம்தான்

மனுதர்மத்தினை போதித்த பகவான் ஹரியையே செருப்பால் அடித்த பெரியார். அந்த மனுதர்மவாதிகளின் கூற்றை நம்பி தாழ்த்தப்பட்டவர் பத்தி அவதூறு செய்தார் என்பவர்களை செருப்பால் அடிப்பது போன்று பெரியார் பேசியதை கவனிக்கவும்.

யாரடா சொன்னா, உன்னைத் தேவடியா மகன்னு, சூத்திரன்னு சொன்னா? கிருஷ்ணன் சொன்னான்! எங்கடா சொன்னான்? கீதையிலே சொன்னான்! கிருஷ்ணனையும் கீதையையும் செருப்பால் அடிக்கத் துணியாமல் போனால் நீ சூத்திரன் தானே! பயந்தீன்னா நீ சூத்திரனாக இருந்துக்கோ!

———- தந்தைபெரியார்- நூல்: “சிந்தனையும் பகுத்தறிவும்”————-

அப்படியே போகும்போக்கில் பெரியார் பார்பனர்களை மட்டுமே எதிர்த்தார் ஆதிக்கசாதியினரை எதிர்த்தாரா? முதுகுளத்தூர் கலவரம் பத்தி பேசினாரா என்று சில போலி தலித்போராளிகளின் குரலை கடனுக்கு வாங்கி இந்த பார்ப்பன பகதர்கள் நமக்கு எதிராக கேள்வியினை முன்வைக்கிறார்கள்.

முதுகுளத்தூர் கலவரம் குறித்து பேசிய ஒரே தலைவன் பெரியார் என்பது அந்த அறிவாளிகளுக்கு தெரியாமல் போய்விட்டது போலும். . முதுகுளத்தூர் கலவரம் அடங்க ஒரேவழி முத்துராமலிங்கத்தை கைது செய்வதுதான் என்றும். பக்வத்சலத்தின் அறிக்கை மிகத்தெளிவாக இருக்கிறது அதன்படி நடவடிக்கை எடுக்கலாம் என்றும் கூறிய தலைவன் பெரியார் என்பது பெரியவாள் பக்தர்களுக்கு தெரியவில்லை என்பது நம்பும்படியாக இல்லையே.

அப்படியே இந்த மனுதர்மவாதிகள் அம்பேத்காரை பெரியார் அவதூறு செய்தார் என்று அள்ளிவீசுகிறார்கள். இந்துமதத்தை அதன் வேதநூல்களின் வாயிலாகவே அம்பலப்படுத்தியவர் அண்ணல் அம்பேத்கார் என்பதை இவர்கள் வசதிக்காம மறைக்க முயல்கிறார்கள். இந்துவாதிகளின் திடீர் அம்பேத்கார்பாசம் நமக்கு விந்தையாக இருக்கிறது. எனது தலைவர் என்று அம்பேத்காரை பெரியார் கொண்டாடியதை இவர்கள் எவ்வளவு முயன்றாலும் மறைக்க முடியுமா என்ன? அம்பேத்காரை இவர்கள் பெரியார் எதிர்ப்பிற்கு கருவியாக நிறுவமுயல்வது இங்கே அம்பலப்பட்டு போய்விடுகிறது.

தமிழ் இந்துவின் பொய்பிரச்சாரத்தை முறியடிக்க தொடர்ந்து எழுதுவோம்………

நான் தமிழன் சாதியத்தின் முகவரி!

மார்ச் 27, 2009 § 5 பின்னூட்டங்கள்

நான் தமிழன் சாதியத்தின் முகவரி!

periyarzv5

ஈழத்தில் தமிழன் என்ற ஒரு இனமே பூண்டோடு அழிக்கப்படும் பொழுது உலகெங்கிலும் வாழும் தமிழன் தம்முள் வேற்றுமைகள் மறந்து தமிழன் என்ற உணர்வுடன் ஒருங்கினைதலின் அவசியத்தை புரிந்து இருக்கின்றான். தமிழர் தாம் வாழும் தளங்களில் எல்லாம் ஈழத்திற்கான ஆதரவு குரலை உரக்க கொடுக்க ஆரம்பித்து இருக்கின்றனர்.

இப்படி தமிழனமே உணர்வுகுவிலாக இருக்கும்வேளையில் தமிழனின் இதயத்துடிப்பு என்ற விளம்பரத்துடன் வியாபாரம் செய்யும் இதழில் நான்தமிழன் என்ற பெயரில் ஒரு தொடர்கட்டுரை வெளிவருகிறது. இன்றைய சூழலில் நான்தமிழன் என்ற வார்த்தை தமிழன் ஒருங்கிணைய பயன்படவேண்டிய தருணத்தில் இந்த கட்டுரை சாதியத்தின் பெருமை பேசுகிறது.

முதலியார், நாடார், தேவர்,செட்டியார், ரெட்டியார் அப்படி இப்படின்னு தமிழ்நாட்டில் இருக்கும் ஒவ்வொரு சாதியின் பூர்விகம் மற்றும் அந்த சாதியில் இருக்கும் பிரபலங்கள் அந்த சாதியின் சாதனை அப்படி இப்படின்னு கதை பேசுகிறது நான் தமிழன். சுருக்கமாக சொல்வதென்றால் இந்த சாதிகளின் பெருமைதான் தமிழனின் பெருமை என்று சொல்வதுதான் நான் தமிழன்.

தமிழனாக ஒருங்கிணைவதுக்கு இடைஞ்சலாக இருப்பதே சாதிதான் என்பது நாம் அறிந்ததே. சாதியின் பெயரால் தமிழன் பிரிந்து தங்களுக்குள் அடித்து கொண்டிருக்கும் இந்த வேளையில் ஒவ்வொரு சாதிக்கும் கடந்த கால நிகழ்கால வரலாறு பேசி அவர்கள் காலரை உயர்த்த செய்வது நியாயம்தானா?

sathyaraj_0064
sivaji_ganesan_chronicle1
இந்த கட்டுரை எழுதுபவரின் யோக்கியதை சொல்லவேண்டும் என்றால் கவுண்டர் என்ற தலைப்பில் பெரியார்வாதி நடிகர் சத்யராஜை கவுண்டராக அடையாளப்படுத்துகிறார். சிவாஜி கணேசனை தேவராக அடையாளங்காட்டுகிறார் இப்படியே இந்த பிரபலம் இந்த சாதி என்று அடையாளம் காட்டுவதில் இருந்தே இந்த கட்டுரையின் நோக்கம் புரியும்.

தந்தை ‘பெரியார்’ தொட்டு எவ்வளவோ பேர் எப்படியாவது இந்த சாதிய நஞ்சை தமிழக மண்ணில் இருந்து அகற்றிவிடலாம் என்று போராடி. இன்னும் பக்கத்து மாநிலங்களில் நாயர் கவுடா ரெட்டி நாயுடு என்று அலைந்து கொண்டிருக்கும் வேளையில் சாதிய பெயரை தமிழகத்தில் இருந்து துடைத்து எறிந்து இருக்கிறார்கள்.

தமிழனுக்கு எவ்வளவு பெரிய பிரச்சனை வந்தாலும் அதை பத்தி கவலைப்படாமல் பிறசாதியினரை அடக்கி ஒடுக்குவதே தங்கள் நோக்கமாக கொண்டு தமிழ் இனத்தை சீரழித்து கொண்டிருக்கின்றனர். இனம் என்பதை சாதியின் அடிப்படையில் பார்ப்பவர்களே தமிழ் இனத்தின் சாபமாக இருக்கிறார்கள். இந்த வேளையில் ஆதிக்க வெறியர்களை சொறிந்துவிடும் இது போன்ற தொடர்கள் தேவைதானா?. ஏற்கனவே ஞானிகள் மூலம் கண்டதை எழுதி புண்ணியம் தேடும் இந்த இதழ்கள் மணிகண்டன்கள் மூலம் செய்யும் சாதிய சால்ராக்கள் வேறு.

நான் தமிழன் என்னும் பொழுதே சாதி மறந்து போக வேண்டும். உங்கள் சாதிய துதிபாடலுக்கு தயவு செய்து தமிழன் என்ற சொல்லை மட்டுமாவது பயன்படுத்தாமல் இருங்கள். இந்த இதழிடமும் அந்த எழுத்தாளரிடமும் நாங்கள் வைக்கும் கோரிக்கை ஒன்றுதான் ‘அய்யா தயவுசெய்து தமிழினத்தை வாழவிடுங்கள்’

Where Am I?

You are currently browsing the பெரியார் category at தமிழன்பன் பக்கம்.