தமிழனும் மலையாளிகளும்! இதுவும் கடிதம்தான்

மார்ச் 11, 2010 § 7 பின்னூட்டங்கள்

தமிழனும் மலையாளிகளும்! இதுவும் கடிதம்தான் !


அன்புள்ள த!

வணக்கம் தமிழன்பன். நீங்கள் முன்னர் வினவு குறித்த கட்டுரையில் மலையாளிகளை சேட்டன்கள் சேச்சிகள் என்று விளித்து எழுதி இருந்தீர்கள் அது என் மனதை காயப்படுத்திவிட்டது. நாட்கள் பலவாகியும் நீங்கள் அதனை இன்னும் உங்கள் தளத்திலேயே வைத்து இருக்கிறீர்கள் அதனால் மனது பொறுக்காமல் இதனை எழுதுகிறேன்.தமிழர்கள் பாதுகாப்பை முன்னிறுத்தி  என் பெயரை பெயரை வெளியிடவேண்டாம் ( தனக்குத்தானே கடிதம் எழுதும் பொழுது  பின்நவீனத்துவ ‘லூசு’  செய்வது போலே இப்படி ஒரு வரி இருக்க வேண்டும் அல்லவா?)

மலையாளிகளை விரட்டச்சொல்லும் தமிழினவெறியர்கள் என்று வினவு எழுதியதை  படித்த பின்நவினத்துவ பெருமாள்கள் அதே தோசையை திருப்பிபோட்டு தமிழர்கள் தங்களை இழிவுபடுத்துகிறார்கள் என்று  எழுத்துலக கோமாளிக்கு கடிதாசி போட்டு இருக்காங்க . வினவு தளத்துள சங்கரன் வந்து வாழ்த்திய பொழுதே எதையோ ‘நோட்’ பண்ணுறாய்ங்கண்ணு சிறிது சந்தேகம் வந்துச்சு அதை இந்த கடுதாசி தீர்த்து வைச்சிருச்சு.

மொழிவாரி மாநிலம் பிரிக்கப்பட்டபிறகு கருணாநிதி முதல்வராக வந்தபொழுது  மலையாளிகள் தமிழகத்தில் டீக்கடை நடத்த முடியாத சூழல் உருவாகிப்போனதாக இவனுக கதைவிடுரானுங்க. ஆனா மொழிவாரி மாநிலப்பிரிப்பிற்கு பின்னர் முல்லை பெரியாரில் தமிழனுக்கு உரிமை மறுக்கப்பட்டதோடு தண்ணீரும் மறுக்கப்பட்டு  ராமநாதபுரத்தமிழன்  விவசாயத்திற்கு மாத்திரமல்ல குடிக்ககூட தண்ணியில்லாம அல்லாடுகிறான் இதுல இவனுக தமிழ்நாட்டில் தேநீர்கடை நடத்தமுடியவில்லையாம் என்ன கொடுமை சார் இது.

எப்பவுமே கேரளத்தானுங்க எங்க பூமி  செங்கொடி பறக்கும் பூமி என்று ஓவரா பில்டப் கொடுப்பார்கள். உலகத்தொழிலாளர்களே ஒன்றுபடுங்கள் என்று ‘பெர்பாமன்ஸ்’ கொடுப்பார்கள் ஆனால் பக்கத்து மாநிலத்தானுக்கு தண்ணீர் கொடுக்கமாட்டர்கள்.  ‘பென்னிகுக்’ என்ற புண்ணியவான் கட்டிக்கொடுத்த முல்லைப்பெறியாரை தகர்ப்பதே தனது வாழ்நாள் லட்சியம் என்று அச்சுதானந்தம்  என்னும் செங்கொடி தோழர் இன்னும் கேரளமண்ணில் வாழ்ந்து வருகிறார்.  முல்லைபெரியார் அணையில் குமுளி சாக்கடை நீரை தாரளமாக கலந்து விடுவது கூட தோழர்களின் புரட்சிகரமான செயல்பாடுகளின் தொடர்ச்சிதான்.

எனது கல்லூரி காலங்களில் எனது நண்பன் வீட்டு திருமணத்திற்கு மதுரைக்கு போயிருந்தோம் வாகனம் ஓட்டிவந்தவர் மலையாளி.  நண்பனின் ஏலக்காய் தோட்டத்தில் வேலை செய்துவருபவர். எங்களோடு பயணம் நெடுக எதுவுமே பேசவில்லை. தாகம் என்ற பொழுது நாங்கள் கொடுத்த நீரை குடிக்கமாட்டேன் என்று சொல்லிவிட்டான்.  எனக்கு ‘கோக்’ வேணும் என்றான் நாங்களும் வாங்கி கொடுத்தோம் திருமணவிருந்தில் சாப்பிடும்பொழுதும் ‘கோக்’தான் வேண்டும் என்றான்.  ‘கோக்’ இல்லை என்றால் சாப்பாடு வேண்டாம் என்றான் ஏன் அப்படி என்று கேட்டால் தமிழ்நாட்டில் ‘இவர்கள்’ ‘கழித்துவிட்ட கழிவுகள் கலந்த நீரை குடிக்கிறோமாம் அதனால் அவரு  தமிழ்நாட்டில்  தண்ணீர் குடிக்க மாட்டாராம். “அட லூசுப்பயலே தமிழ்நாட்டில் இருந்து தண்ணி எடுத்த்துத்தான் ‘கோக்’ செய்யுராண்டா அப்புறம் எதுக்குடா அதை குடிக்கிற?” என்று கேட்டால் ” அது வேற ரிவராக்கும்னு” நமக்கே பாடம் எடுக்குறான் மக்களே இவய்ங்கள நாம புண்படுத்துறோமாம் “என்ட அம்மே!”

மேலும் தமிழர்களுக்காக தம்வாழ்நாளை அர்பணித்த கம்யுனிஸ்டு தலைவர்களை மலையாளத்தான் என்ற காரணத்தால் நாம் மதிப்பதில்லையாம். தமிழர்கள் தம் வரலாற்றில்  ஒரு மனிதருக்கு மிகப்பெரிய அங்கீகாரத்தையும் மரியாதையையும் கொடுத்தார்கள் என்றால் அது மருத்தூர்கோபாலராமச்சந்திரமேனன் (எம்ஜிஆர்)  தவிர  வேறு யாரு?   மூன்றுமுறை தொடர்ச்சியாக தமிழகத்தின் ஆட்சிக்கட்டில் உட்கார்த்தி அழகு பார்த்தவர்கள் தமிழர்கள் எம்ஜிஆரை மலையாளி என்று செய்யப்பட்ட பிரச்சாரங்களை பின்னுக்கு தள்ளிவிட்டு தமிழ்நாட்டு தமிழன் மாத்திரமல்ல ஈழத்தமிழனும் எம்ஜிஆரை  ஒப்பற்ற தலைவனாக பார்த்தார்கள். ஆனால் ஒரு மலையாள பப்ளிசிட்டி பைத்தியம் தனது வலைப்பூவில் எம்ஜிஆர் முதல்வராக இருந்த பொழுது ‘உங்களுக்கு படிப்பு இருக்கிறது பண்பு இல்லை!” என்பதற்கு பதிலாக “உங்களிடம் பைப்பு இருக்கிறது பம்பு இல்லை”  என்றார் என்று  கீழ்த்தரமாக விமர்சித்தது சோடாவிற்காக மைக் பிடிக்கும் உருப்படாத உடன்பிறப்புகளை மிஞ்சும் விதத்தில் மக்கள் திலகத்தை அவதூறு செய்தது அனைவருக்கும் நினைவு இருக்கும் இப்பொழுது மலையாளப்பெருமாலு அந்த பப்ளிசிட்டி பைத்தியத்திற்க்கே கடிதம் எழுதுகிறது தமிழர்களுக்காக உழைத்த மலையாளிகளை தமிழர்கள் மலையாளிகள் என்ற ஒரே காரணத்திற்க்காக ஒதுக்கி வைத்தார்கள் என்று. இதை எங்கே போய் சொல்லி அழுவது தமிழன்பா!

தமிழனின் தொப்புள்கொடி உறவுகளை கூட்டு சேர்ந்து கொன்று அழித்த மலையாளிகள் சிவச்சங்கரமேனங்களும்  நாராயணன்களும் நம்பியார்களையும்விட தமிழன் ரெம்ப மோசமானவன் என்று  எதோ ஒரு பைத்தியம் தனக்கு தானே கடிதம் எழுதி கொள்ளுமாம் பின்னால பின்னூட்ட பெருமாளு ஆமாப்பா தமிழன் ரெம்ப மோசம்னு எழுதுவாராம். இதுல இவனுக வீட்டுல தனியா உக்காந்து அழுதானுங்கலாம் ஏன் தமிழன் இம்புட்டு மோசமா இருக்காய்ங்கன்னு.
இப்படித்தான் வினவுல ஒருத்தரு எழுதுறாப்ல கேராளாவுல கம்யுனிசம் வளந்திடுச்சு தமிழ்நாட்டு சரியா வளரலன்னு அட போங்கடா இவனுகளா அண்டை மாநிலத்திற்கு தண்ணி விடாதே! உலகத்தொழிலாளிகளே ஒன்று சேருங்கள் தமிழகத்தொழிலாளிகளே நாசமாப்போங்கள் என்பதுதான் கேரளா காம்ரேட்டுகளின் புதுவகையான கண்டுபிடிப்பு போலும்.  மலையாளத்தான் கொடுத்த தேநீருக்கு நன்றி சொல் என்று புத்திமதி வேறு கூறுகிறார்கள். ஏதோ தமிழ்நாட்டுல எவனுக்குமே தேநீர் போடவே தெரியாத மாதிரி.

கடிதம் எழுதும் போது ரெம்ப தெளிவா இருக்காய்ங்கப்பா அதாவது மொழிவாரி மாநிலத்திற்கு பிறகு தமிழர்கள் மலையாளிகளை விரட்டி அடிச்சது மாதிரியும் தமிழர்கள் கேரளாவிற்குள் காலடி வைத்ததே தமிழ்நாட்டில் பஞ்சம் வந்தபிறகுதான் என்பது போலவும் நல்லாவே கதை காட்டுரீங்கப்பா. தமிழக முதல்வராகவே ஒரு மலையாளி வரமுடிகிறது கேரளாவுல அது முடியுமா?. ஆனால் இவனுக தமிழர்களுக்கு கேரளா ரேசன்காடு எல்லாம் கொடுத்து இருக்கு தெரியுமான்னு நமக்கே காது குத்துரானுங்க. மலையாளிகள் மிகுதியான  நாகர்கோயில் தமிழ்நாட்டோடு இணைந்தது போல தமிழர்கள் நிறைந்த கோட்டயம் கேரளாவோடு இணைந்தது வரலாறு. இதுல எர்ணாகுளத்துப்பக்கம்  தமிழர்கள் பல பஞ்சாயத்துப்பக்கம் பெரும்பான்மையாக இருக்கிறார்கள் என்று கணக்கு எடுத்திருக்கிறார்கள்.

இன்னைக்கு இருக்குற முதல்வரு ஓனம் வந்தா உடனே வாழ்த்து சொல்லுறாரு. அதுமாத்திரமில்லாம அரசு விடுமுறைவேறு அறிவித்து இருக்கிறாரு. பொங்கலுக்கு அச்சுக்குட்டி வாழ்த்து சொன்னதுண்டா? தமிழ்நாட்டு திரைத்துறையில் ராதமேனன் கவுதம்மேனன்னு எத்தனை எத்தனையோ மேனன்கள் வந்து கல்லா கட்டுறானுங்க. மலையாளியை ‘தல’ என்று கொண்டாடுறான் தமிழ்நாட்டு சினிமா ரசிகன். அந்த தறுதலையும் தமிழ்நாட்டு பிரச்சனை நாங்க ஏன் போராடணும்னு பேசிக்கிட்டு திரியுது. ஜோய் ஆலுக்காஸ் முதல் மலபார் கோல்டு வரைக்கும் எல்லாம் நல்லாத்தானே போயிட்டு இருக்கு.  இன்னும் இவர்களுக்கு என்னதான் வேணும்? ஒருவேளை தமிழ்நாட்டை காலிபண்ணிகொடுத்தாத்தான் தமிழனை நல்லவன்னு சொல்லுவானுங்க போல.

அய்யா தமிழன்பரே இப்படியே வரலாற்று உறவு அவர்கள் நமது சேட்டன்கள் சேச்சிகள் என்று கூறி அவர்கள் எவ்வளவு எச்சி துப்பினாலும் நாம சகிச்சுக்கனும்னு சுண்ணாம்பு தடவிப்புடாதீங்கய்யா. ஏதோ சொல்லனும்னு தோணிச்சு சொல்லிப்புட்டேன். தமிழகத்தில் மும்தாஜை கேரளப்பெண்ணாக காட்டி சேச்சிகளை அவமானப்படுத்தி புட்டானுங்கலாம் இதை கண்டுபிடித்த அறிவாளிகளுக்கு ஒரே ஒரு கேள்வி நீங்கள் சொல்லுற அந்தத்திரைப்படத்துல கொழுப்பெடுத்து பேசிய விவேக்கின் நாக்கில் மும்தாஜு சேச்சி வல்லிய சூடு வைக்காம்போலே சீனு உண்டு பச்சே நிங்கலண்ட படத்தில தமிழனை  பாண்டின்னு சம்சாரிக்கும் பட்டிக்கு எங்கணும் சூடுவைக்கும்?”

இப்படிக்கு….

(பறையாம்பாடில்லே!)

Advertisements

தமிழர்களுக்கு எதிரானவை மாத்திரமே புரட்சி! புரட்சிகரநாட்டாமை வினவின் புதியதீர்ப்பு.

பிப்ரவரி 16, 2010 § 17 பின்னூட்டங்கள்

தமிழர்களுக்கு எதிரானவை மாத்திரமே புரட்சி! புரட்சிகரநாட்டாமை வினவின் புதியதீர்ப்பு.


மகஇக  என்னும் புரட்சிகர அமைப்பின் அதிகாரப்பூர்வ வலைப்பூவான வினவு  வலையுலகில் ஒட்டுமொத்த புரட்சியையும் மொத்த குத்தகைக்கு எடுத்துகொண்டது போல செயல்பட்டு வருகிறது.  சகபதிவர்கள் மொக்கைவாக எழுதுவபவர்களாக , திரைவிமர்சனம் எழுதி காலத்தை ஓட்டுபவர்களாக , வடிவேல் ஸ்லாங்கில் எழுதி காலம்கழிப்பவர்களாக இருக்கிறார்களே  என்ற ஆதங்கத்தோடு அவ்வப்போது புரட்சிகரமான கட்டுரைகளை எழுதி வலையுலகை காப்பவர்களாக தங்களை அடையாளப்படுத்தி கொள்கிறார்கள். சினிமா நடிகர்கள் மற்றும் சினிமா பற்றி ‘கழிசடை’ என்று ஒருபுறம் சொல்லிக்கொண்டே ஏதாவது புதியதிரைப்படம் வந்துவிட்டால்  முண்டியடித்து  டிக்கெட் வாங்கி முதல் ஆளாக அந்த திரைப்படம் குறித்த புரட்சிகரமான தங்கள் கருத்துகளை எழுதி தங்கள் புரட்சிபயணத்தை . உன்னை போல் ஒருவனோ அல்லது ஆயிரத்தில் ஒருவனோ முதல் விமர்சனம் நாட்டாமை வினவுடையதாக இருக்க வேண்டும். படத்தை விளாவரியாக விமர்சித்துவிட்டு கடைசியில் அத்திரைப்படம் ஒரு கழிசடை என்று தீர்ப்பு கூறுவார் வினவு. புரட்சி வரும்வரை திரைப்படம் பார்ப்பதில் தப்பில்லை போலும்.

ஜெயராம் என்ற நடிகர்  மலையாள தொலைக்காட்சி நிகழ்வில் தன்னுடையவீட்டு வேலைக்காரப்பெண்ணை கறுத்ததமிழச்சி தடித்த எருமை போன்று இருப்பாள் என்று கூறியதாக குமுதத்தில் செய்தி வெளியானது. செய்தி வெளியிடுவதற்கு முன்னர் குமுதம் நிருபர் பேசியபொழுது அது நகைச்சுவைக்காக சொன்னது என்று திரும்பதிரும்ப சொன்னார்  என்று குமுதம் செய்தி வெளியிட்டது.

செய்தியை படித்தபொழுது அந்த தொலைக்காட்சி நிகழ்ச்சியில் உங்கவீட்டு வேலைக்காரியை ‘சைட்’ அடிப்பீங்களா என்ற எழுப்பப்பட்ட கேள்வி வன்மம் நிறைந்தது என்று தோன்றியது. வீட்டில் வேலைசெய்தாலே அவரை சைட் அடிக்கும் உரிமை வீட்டுமுதலாளிக்கு இருக்கிறது என்ற   மனநிலை கேள்வி கேட்டவரிடம் இருக்கிறது. சரி கேள்விதான் மோசம் என்றால் பதில் சொன்ன ஜெயராம் என் வீட்டு வேலைக்காரப்பெண் எனக்கு சகோதரி மாதிரி என்று சினிமாத்தனமாக சொல்லி சமாளித்திருக்கலாம் ஆனால் நகைச்சுவைக்காக என் வீட்டு  வேலைக்காரி கறுப்பான தமிழச்சி எருமை போல இருப்பாள் அவளை எப்படி சைட் அடிக்க முடியும் என்று சொல்லி பிரச்னைக்கு துவக்கபுள்ளி வைத்தார். செய்தியை குமுதம் வெளியிட்டதும் சென்னையில் இருக்கும் ஜெயராம் வீட்டில் கல்லெறியப்பட்டது . உடனே ஜெயராம் பகிரங்க மன்னிப்பு கேட்டார். உடனே தமிழினத்தலைவரும் தான் மன்னித்ததோடு  மறக்காமல் நாம்தமிழர் இயக்கத்தினரை  கைது செய்து மீண்டும் தான் யார் என்று நிருபித்து இருக்கிறார்.

உடனே நம்ம வினவு சும்மா இருப்பாரா? பஞ்சாயத்து செய்ய கிளம்பிவிட்டார். இது சமூகத்தின் குறைபாடு ஜெயராமை எப்படி குறை சொல்லமுடியும் என்ற வியாக்கினத்தொடு தொடர்ந்து தனது விமர்சன அரிப்பை வெளிப்படுத்தி இருக்கிறார். இதே வேலைக்காரப்பெண் தமிழச்சி என்று சொல்லாமல் இருந்திருந்தால் இவர்கள் எதிர்ப்பார்களா? என்று கேள்வி கேட்டு இருக்கிறார். கல்வியறிவில் நூறு விழுக்காடு தன்னிறைவு பெற்ற கேரளத்து சேட்டன்களும் சேச்சிகளும் எப்படி ஒரு பெண்ணை இழிவு படுத்தலாம் என்று ஏன் கேள்வி கேட்கவில்லை என்ற கேள்வி கேட்க வினவுக்கு தோணவில்லை போலும்.  அதுசரி ஊருக்கு இழைத்தவன் தமிழ்நாட்டு தமிழன்தானே என்று எடுத்து கொள்ளவேண்டியதுதான்.

வினவு அத்தோடு விட்டாரா? விவேக் பத்தாண்டுகளுக்கு முன்பாக வந்த திரைப்படம் ஒன்றில் நகைச்சுவை காட்சியில் சேச்சிகளை இழிவு செய்துவிட்டாரே? என்று இன்று புதிதாக விழித்துக்கொண்டிருக்கிறார். புரட்சிகள் முடிந்தபின்னால் பார்த்துகொள்ளலாம் என்று இத்தனை ஆண்டுகள் பொறுமைகாத்தார்களோ என்னவோ ? மும்தாஜ் என்ற மார்பு பெருத்த பெண்ணை கேரளாக்காரப்பெண்ணாக( சேச்சியாக)  நடிக்கவைத்து சேச்சிகளை தமிழர்கள் இழிவு செய்துவிட்டார்களே என்று புதிய கண்டுபிடிப்பு வேறு.

புரட்சிகர இயக்கத்தை சேர்ந்தவர்கள் சமீபத்தில் இப்படி ஏதாவது கருத்துகணிப்பு நடித்தினார்களா? என்று சந்தேகப்படும் அளவிற்கு வினவுதளத்தில் கருத்துக்கணிப்புகளை காணமுடிகிறது.

“மலையாளப் பெண்களுக்கு மார்பகங்கள் பெரிது, காம உணர்ச்சி அதிகம், கணவன் வெளிநாட்டில் இருப்பதால் சுலபமாக சேச்சிகளை வளைக்கலாம், அல்லது சேச்சிகள் இன்பத்திற்காக அலைவார்கள், அங்கே கள்ள உறவு அதிகம்” இப்படித்தான் தமிழக இளைஞர்களிடம் மலையாளச் சேச்சிகளைப் பற்றி பொதுக்கருத்து நிலவுகின்றது”

இதுதான் வினவின் சமீபத்திய கண்டுபிடிப்பு. சேச்சி என்பதன் அர்த்தம் அக்கா என்பது வினவிற்கு தெரிந்திருக்க வாய்ப்பில்லை.  தமிழர்கள் மலையாளிகளை காலம்காலமாக சேச்சி, சேட்டன் என்று  அக்கா, அண்ணாஎன்று விளித்து கொண்டிருக்கிற எதோ இவர்கள் தமிழக வாலீப வயோதிக அன்பர்கள் சேச்சிகள் மீது அதாவது தமிழர்க் தங்களது மூத்த சகோதரிகள் என்று அழைப்பவர்கள் மீது காமத்தோடு அலைகிறார்கள் என்னும் கருத்து தமிழர்களை அவமானப்படுத்துவது மட்டுமல்ல கேரளப்பெண்கள் மீதான புரட்சிகர இயக்கத்தினரின் வக்கிர பார்வையை  அம்பலப்படுத்துகிறது. தாராளமா மனசிருந்தா கேரளா என்று புரிஞ்சுக்கோ என்று கும்பகோணத்து பார்பான இளைஞன் பாடியதும் பார்பன தலைமையின் கீழ் இயங்கும் மக இகவின் வ(க்கிர)ர்கப்பார்வையும் ஒத்து போவதாக கொள்ளலாமா?

ஜெயராம் என்ற அந்த நடிகன் வாய்கொழுப்பெடுத்து பேசியதற்கு வக்காலத்து வாங்குவதாக நினைத்து கொண்டு தமிழினத்தின் மீது காரித்துப்புகிறது வினவு.  தேநீருக்கு நன்றி சொல்ல வேண்டுமாம். உலக அரசியல் எல்லாம் பேசும் வினவு எதோ தேயிலை என்பது கேரளாவிலிருந்து  வரும் மலையாளிகள் கையேடு பறித்துவந்து அப்படியே தேநிராக வடித்து தருவது போன்று தனது கற்பனையை தட்டிவிட்டிருக்கிறார். தேயிலைக்கு பின்னாலே ஒளிந்திருக்கும் உலகமயமாக்கல் வினவிற்கு தெரியாமல் போனது ஆச்சரியமே. தேயிலை கொடுத்த மலையாளிக்கு நன்றி சொல் என்று சொல்லும் வினவிற்கு சோறுபோட்ட தமிழன் மறந்து போய்விட்டான் போல.  விட்டால் தமிழன் எவனுக்கும் தேநீர் போடவே தெரியாது என்று புரட்சிகர இயக்கம் அறைக்கூவல் விடுத்தாலும் ஆச்சிரியப்படுவதற்கு இல்லை.

இப்படியே தனது கற்பனைகளை கட்டுரை முழுக்க அள்ளித்தெரித்து இருக்கிறது புரட்சிகர அமைப்பு. ஜெயராம் வீட்டில் கல்லெறிந்தது ஏதோ மலையாளிகள் மீது தமிழகத்தில் வன்மம் தலைவிரித்து ஆடுவதை வெளிப்படுத்துவதாக சித்தரிக்கிறார்கள். இதே தமிழகத்தில் சீமானின் வாகனம், தா.பாண்டியன் வாகனம் எரிக்கப்பட்டபொழுது எங்கே போனார்கள் என்று தெரியவில்லை. பாரதிராசா அலுவலகம் தாக்கப்பட்ட பொழுது வினவின் வாய்திறக்கவே இல்லை. ஒருவேளை தமிழன் எவனுக்காவது ஆதரவாக பேசினால் அது புரட்சிக்கு கேடு என்று நினைத்துவிட்டார்களா?வினவில் சில கட்டுரைகள் எழுதிய வில்லவன் ஜெயராம் பேசியதை கண்டித்து தமிழின உணர்வோடு எழுதிய கட்டுரையை வினவில் காணமுடியவில்லை. மகஇகவை பொறுத்தவரை தமிழர்களுக்கு எதிரானவை மாத்திரமே புரட்சி போலிருக்கிறது.

முல்லை பெரியார் பிரச்சனைஎல்லாம் ஒரு பிரச்சனையா? என்று கேள்விகேட்காத குறை. அங்கே ஆக்கிரமிப்பு செய்திருக்கும்  மலையாளிகளின் ஆயிரம் ஓட்டுகளுக்காக அணைந்து அரசியல் கட்சிகளும் முல்லை பெரியாரில் தமிழகத்துக்கு எதிராக நடந்து கொள்கிறார்களாம். அது என்னப்பா அந்த ஆயிரம் ஓட்டுக்கு அம்புட்டு மரியாதை?.   இதுதான் புரட்சிகள புண்ணாக்குகளின் முல்லைபெரியாறு  குறித்த பார்வை அங்கே மாற்று அணைக்கு அத்தனை முன்னேற்பாடு வேலைகளும் நடந்து கொண்டிருக்கிறது இவர்கள் என்னவென்றால் ஆயிரம் ஓட்டுக்காக அரசியவாதிகள் நாடகமாடுகிறார்களாம்  என்ன ஒரு ஆராய்ச்சி. குமுளி நகராட்சியின் சாக்கடை நீர் தமிழனின் குடிநீர் ஆதனமான முல்லை பெரியாறோடு கலக்கும் கயமையை வினவிற்கு யார் சொல்வது?. கேட்டால் இதெல்லாம் பூர்விக சொந்தம் சேட்டன்களின் மூத்திரம் குடித்தால்தான் தமிழகத்தில் புரட்சி வெடிக்கும் என்று சொன்னாலும் சொல்வார்கள்.

நாங்கள் இருக்கிறோம் வீதியின் ஓரத்தில்……

பிப்ரவரி 9, 2010 § 2 பின்னூட்டங்கள்

நாங்கள் இருக்கிறோம் வீதியின் ஓரத்தில்………….



நம்மூரு ஜனங்க எல்லோருக்கும் வணக்கமுங்க…..  சம்சாரியா பிறந்து இப்போ பரதேசியா அலையும் மதுரைவீரனோட பேச்சை கேட்டுட்டு போங்கப்பா…..!


ஒரு காலத்துல நெல்லும் எள்ளும் விளைந்த இடமெல்லாம் புல்லுகூட விளையாத பொட்டல்காடா ஆகிப்போச்சுங்க. பசுமைபுரட்சி பசுமைபுரட்சின்னு சொல்லி விளங்காத ரசாயன உரத்தைபோட்டு மண்ணை மலடாக்கிபுட்டீங்க. பேச்சு நடத்துறோம் வழக்குநடத்துரோம்னு சொல்லி ஆத்துல வெள்ளாமைக்கு தண்ணி இல்லாம பண்ணிபுட்டீக.

வானம்பாத்தபூமி எல்லாம் மழை இல்லாம வாடிபோச்சு.   கடன்கொடுக்குறோம்  விவாசாயம் பண்ணுன்னு.. சொல்லிட்டு வெளிநாட்டுக்காரன் தந்த விதையை போடச்சொல்லி விளைச்சலே இல்லாம கடனாளி ஆக்கிப்புட்டீங்க.  சரி நமக்குத்தான் பொழைக்கவழி இல்லாம போச்சேன்னு கிடைக்கிறகாசுக்கு விளைகிறநிலம் அம்புட்டையும் பணக்கார பயளுவகிட்ட வித்துபுட்டு பட்டணத்துவீதிகளில் ஒண்டிபிழைக்கிறோம் . பணக்காரபயலுவளும் காக்கா குருவிகூட அண்டாத அந்த இடத்துல எதோ ‘பொறியல் கல்லூரின்னு’ கட்டி லட்சலட்சமா சம்பாரிக்கிறானுங்க. குடிக்க சொட்டு தண்ணீகூட இல்லாத அந்த பூமியில நம்மபுள்ளைக அம்புட்டும் வெந்து நொந்து எதையாவது படிச்சுட்டு எப்படியாவது வந்துசேருதுக. படிச்சபடிப்புக்கு கிடைச்ச வேலையசெய்து பாட்டில் தண்ணியை விலைக்குவாங்கி பகுமானமா குடிச்சுகிட்டு அலையுதுக.



கிராமத்துல்ல நடக்குற பாதையில மாடு சாணியபோட்டுட்டுபோயிட்டா அதை அப்படியே அள்ளி பக்கத்துவயலுல வீசிட்டு போவானுங்க நம்ம சம்சாரிக அந்தசாணியும் அந்த வயலுக்கு உரமாகிப்போகும். எதை செஞ்சாலும் அடுத்தவனுக்கு நல்லதாசெய்யணும்  சாணிகூட உரமாகிப்போகனும்னு நினைக்கிற பயலுக கிராமத்துபயலுவ..

ஆனா படுச்சபயலுவ விதைக்குகூட உரிமை கொண்டாடுறான்.  வெளிநாட்டுக்காரன்கிட்ட காசை வாங்கிக்கிட்டு மண்ணை மலடாக்கி விவசாயத்தைநாசமாக்கும் விதைகளை விவசாயிதலையில் கட்டப்பாக்குறானுங்கஇந்த பட்டணத்துல இவனுங்க குடிச்சுட்டுபோடுற தண்ணிபாட்டில மொத்தமா சேத்தா ஒரு சென்னை இல்லைங்க நாலைஞ்சு சென்னைகூடபத்தாது. இம்புட்டுகுப்பையும் எங்கன போகும்? அட எங்கள மாதிரி சம்சாரிக்கு வெள்ளாமைக்கு தண்ணி வேணாம்ங்க. நம்ம பிள்ளைக குடிக்க தண்ணி வேணாமா….?



இருக்கிற மரம்மட்டை ஒன்னுவிடாம வெட்டி மழைதண்ணி இல்லாம பண்ணிபுட்டிங்க… குடிக்கிறதண்ணிக்கு எம்புட்டு நாள்தான் தரையை நோண்டிகிட்டு கிடப்பிங்க…? நிலத்துக்கு அடில இருக்கிற தண்ணியும் தீர்ந்து போனா..? குடிக்கிற தண்ணிக்கு எங்க தான்யா போவிங்க? பட்டிலுக்கு தண்ணி எங்கிட்டு இருந்து வரும்…? தின்கிறது சாப்பாடு எங்கிட்டு இருந்துவரும். ரியல் எஸ்டேட்ன்னு சொல்லி இருக்கிறகாடுகளை எல்லாம் கான்கிரிட் காடுகளாக மாத்திகிட்டே போன காக்காகுருவிகூட வாழமுடியாத பூமில நாம எப்படிய்யா? பொழைக்கிறது.

மக்கா நீங்க இராத்திரிபகலா கண்முழிச்சு என்னென்னவோ கம்பூட்டரில் பண்ணலாம்யா ஒரு நெல்லுமணியை உங்களால உருவாக்க முடியுமான்னு சொல்லுங்க…  இன்னமும் எதோ நம்பிக்கைல நம்மாளுங்க ஊருல நடத்துற வெள்ளாமையால்தான் இப்பவும் நாமெல்லாம் சோறு துண்ணுகிட்டு இருக்கோம்.உங்கள எல்லாம் வேலையைவிட்டுட்டு வெள்ளமையபார்க்க சொல்லலப்பா. உங்க படிப்பை கொஞ்சம் எங்களுக்காக பயன்படுத்துங்கன்னு சொல்லுறேன்.


எதோ பேரு தெரியாத வெள்ளைக்காரதுறைமாருகளுக்கு வேலைபார்த்து வீடுவாசல்னு வாங்கிற மக்கா. நம்ம பொழைக்கிற ஊரு எப்படி இருக்குன்னு பாருங்கப்பா. உங்க பட்டினத்துவீதிகள்ள எங்க கிராமத்து ஆளுங்க ஒண்ட இடமில்லாம இருக்கிறத பாருங்க… இந்த நிலைமை நாளைக்கு உங்களுக்கு வேணாமப்பா. உங்க அறிவை எங்களுக்காக பயன்படுத்துகப்பு. விவசாயத்தை எளிதாக்குங்க. இனி எவனும் விவசாய நிலத்துல கான்கிரிட் போடக்கூடாதுன்னு சொல்லுங்க. பக்கத்துமாநிலக்காரன்கிட்ட பேசி  தண்ணியை கொஞ்சம் திறந்து விடுங்க… விதையில வெளிநாட்டுக்காரன் கைவைக்காம பார்த்துக்கங்க.  வீடுமேல வீடுகட்டிங்கப்பா… காடுகளை காலிபன்னாதிக. அய்யா சம்சாரிக நாங்க இருந்தாத்தான்யா நீங்க சாப்பிடவும் குடிக்கவும் ஏதாவது இருக்கும். எல்லாத்தையும் இறக்குமதி பண்ணலாம்னு நினைக்காதிங்கப்பா…. குடிக்கிற தண்ணிக்கு காசுகொடுக்கனும்னா ஒண்ணுக்கும் இல்லாம போயிடுவிங்கப்பா நீங்க எல்லாம்.


ஒருகாலத்துல ஆத்துதண்ணிய அப்படியே குடிச்சுட்டு வேலைய பார்ப்போம் இப்ப எந்த தண்ணியயாவது குடிக்க முடியுதா?. கொசுவர்த்தி இல்லாம தூங்கமுடியுதா?. எல்லா இடமும் கெட்டுபோச்சுப்பா. உங்கள நம்பித்தான் நாங்க இருக்கோம். படிச்ச புள்ளைக ஏதாவது பண்ணி எங்களையும் எங்க விவசாயத்தையும் காப்பாத்துங்கப்பா. வெள்ளைக்காரன் வந்து நம்ம விதைகளையும் விவசாயத்தையும் காலிபண்ணும் முன்னால் ஏதாவது பண்ணுங்கய்யா உங்களுக்கு புண்ணியமா போகும்.

தமிழன் நாதியற்ற இனமா?

திசெம்பர் 3, 2009 § 7 பின்னூட்டங்கள்

“முல்லைபெரியாரில் அணைகட்ட ஆய்வினை மேற்கொள்ள காங்கிரசு அரசு அனுமதி வழங்கியதால் குடிமூழ்கி போய்விடவில்லை!” என்று அறிக்கை வாசிக்கிறார் தமிழகத்தில் இருக்கும் காங்கிரசு தலைவர்.  தமிழகமீனவர்களை சிங்களவன் சுடவில்லை மீனவர்கள் பிரச்சனை குறித்து தொடர்ந்து பேசுகிறோம் என்கிறார் தமிழகத்தில் பிறந்த காங்கிரசு மத்தியமைச்சர்.  தமிழகத்தின் எல்லைபகுதியில் துவங்கப்பட்ட குடிநீர் திட்டத்தை கர்நாடகாவின் தேர்தல் முடியும்வரை ஒத்திவையுங்கள் என்று தமிழக முதல்வருக்கு உத்தரவிடுகிறார் காங்கிரசு தலைவி. இதுவரை ஒகேனக்கல் குடிநீர் திட்டம் என்னவானது என்று தெரியவில்லை.

மேலே கூறிய அனைத்து விடயமும் காங்கிரசு கட்சி சமீபத்தில் தமிழகத்தில் நடத்திகாட்டிய தமிழ்நாட்டு மக்களுக்கு பாதகமான நிகழ்வுகள். இந்தியாவின் ஒரு பகுதியாக தமிழகத்தில் எல்லையில்  இருந்த கச்சத்தீவை  தமிழனின் இனப்பகைவனான சிங்களவனிடம் காங்கிரசு தாரை வார்த்தது பழைய வரலாறு. அந்த வரலாறில் முல்லைபெரியாரும் ஒகேனக்கலும் சேர்ந்துவிடுமோ என்ற அச்சம் இப்பொழுது உருவாகி இருக்கிறது.தமிழ் நாட்டில் வாழ்ந்துகொண்டு தமிழர்களின் ஓட்டுகளை பெற்றுகொண்டு தமிழர்களுக்கே எதிராக காங்கிரசு கட்சி செயல்பட்டு கொண்டு இருக்கிறது. காங்கிரசு காலால் இட்டதை தலையால் முடிக்கும் தலைமையிலான அரசு தமிழகத்தில் வாய்க்கப்பட்டிருக்கிறது. தமிழனும் சுய உணர்வற்று அந்த காங்கிரசு கட்சிக்கு காலம்காலமாக வாக்களித்துவிட்டு தனது உரிமைகளை இழந்துவிட்டு நடுத்தெருவில் நிற்கிறான். தமிழகதமிழன்  நிலை இதுவென்றால்  ஈழத்தமிழன் நிலை என்னவாக இருக்கும் என்று எண்ணிப்பாருங்கள். வன்னி நிலப்பரப்பில் வாழ்ந்த தமிழன் இன்று அகதி முகாம்களில் கண்ணீரோடு உலகநாடுகளுக்கு கருணை மனு நீட்டுகிறான். ஈழத்தமிழன் அழிவிற்கும் இன்று அனுபவிக்கும்  துயரத்திற்கும்  முழுப்பொறுப்பு காங்கிரசு கட்சியே.

நமது அண்டை மாநிலங்களில் வேறெங்கும் இல்லாதா அளவிற்கு தமிழகத்தில் தமிழன் என்று உணர்வு சிறிதும் இல்லாதவர்களாக காங்கிரசுக்காரர்கள் இருக்கிறார்கள். அந்த காங்கிரசின் ஆதரவோடு கொள்ளை அடித்து அதிகாரத்தை அனுபவிக்க துடிப்பவர்களாகவே திராவிடத்தை தங்கள் கட்சியின் பெயரில் தாங்கியவர்கள் இருக்கிறார்கள.

உலகில் வேறு எந்த மூலையிலும் இல்லாத அளவிற்கு மீனவர்கள் அண்டை நாட்டு கப்பல்படையால் சுடப்படுவது அதிகமாக இந்தியாவில் நமது  தமிழகத்தில் நடைபெற்று வருகிறது. ஆடைகளை அவிழ்த்தார்கள், அடித்து உதைத்தார்கள், வலையை அறுத்தார்கள், படகை சேதப்படுத்தினார்கள் என்று மீனவர்கள் கூறும் குற்றச்சாட்டு அதிகமாக இருந்தாலும் அவனுக்காக குரல்கொடுக்க எவனுமில்லை என்பதால் மீனவர்கள் சோகம் தொடர்கதையாகிகொண்டே போகிறது. தமிழகமீனவர்கள் 600 பேர் படுகொலை செய்யப்பட்ட பொழுதும் இதுவரை ஒரு வழக்கை கூட சிங்களவன் சுட்டு தமிழக மீனவன் செத்தான் என்று பதிவு செய்யாத காவல்துறையாக தமிழககாவல்துறை இருக்கிறது. 600 மீனவர்களும் விபத்தில் இறந்துவிட்டார்கள் என்று பொய்வழக்கு போட்டு சட்டம் தன்கடமையை செய்துள்ளது.

காங்கிரசுகட்சி தமிழின அழிப்பில் மிக உறுதியாக இருப்பது தெளிவாகிறது. திராவிடகட்சிகள் காங்கிரசுக்கு காவடி தூக்குவதை நிறுத்துவதாக தெரியவில்லை. “தமிழ அரசியல்வாதிகளை கோமாளிகள்” என்று வர்ணித்த பொன்சேகாவின் வார்த்தைகளில் ஒளிந்திருக்கும் உண்மையை நாம் இன்னும் விளங்கி கொள்ளவில்லை.

ஈழத்தில் செத்துவிழுந்த ஆயிமாயிரம் தமிழர்களின் புகைப்படங்களை தமிழகவீதிகளில் வைத்து பாருங்கள்அதில் உறுப்புகளை இழந்து செத்து விழுந்த சிறுவர் சிறுமிகளை பற்றியோ உயிரிழந்த தமிழர்கள் பற்றியோ சிறிதும் கவலை இல்லாது.
அதில் எங்காவது பிரபாகரன் படம் தெரிகிறதா? புலி கொடி தெரிகிறதா என்று உத்துபார்த்து உடனே அதனை அகற்று என்று ஆரம்பித்து விடுகிறார்கள் காங்கிரசு புண்ணியவான்கள்.

ராணுவவாகனங்கள் தாக்குதல், இலங்கை தூதரகத்தாக்குதல், இளங்கோவன் வீடு தாக்குதல் என்று தொடர்ச்சியாக தமிழ் உணர்வாளர்களை வேட்டையாடி விளையாடும் காவல்துறை. தா.பாண்டியன் மற்றும்  சீமான் காரை எரித்தவர்கள் பாரதிராசா அலுவலகத்தை தாக்கியவர்கள் என்று எவரையும் கண்டு கொள்வதில்லை. தமிழகத்தில் தமிழனுக்கத்தான் பாதுகாப்பில்லை .தாயகதமிழன் மெளனசாட்சியாக   கொன்றழிக்கப்பட்ட ஈழத்தமிழனின் நிலை தாயகதமிழனுக்கும் வரும்நிலை வெகுதொலைவில் இல்லை. காங்கிரசு பேரியக்கம் தமிழக மண்ணில் துடைத்து எறியப்படும் வரையில் தமிழனின் கண்ணீரை துடைக்கும் வழி பிறக்க போவதில்லை. நீர்த்து போன திராவிட இயக்கங்களை தமிழன் வீழ்த்தும் நாளே தமிழனின் விடியலுக்கான துவக்கம்.

லண்டனில் செத்த தமிழன் உடலை மீட்க இந்தியா உதவவில்லை என்று அனைவரும் அலறி கொண்டிருக்கிறோம். இதில் நாம் அதிர்ச்சி அடைய ஏதும் இருப்பதாக தெரியவில்லை. தமிழன் எங்கே செத்து விழுந்தாலும் அங்கே முதலில் மகிழ்ச்சி அடையவது இந்தியாவின் அதிகார மையம்தான்.   இந்தியகடல்  எல்லையில் செத்துவிழும் தமிழனாக இருக்கட்டும் அல்லது எங்கோ உலகின் ஒரு மூலையில் தமிழன் செத்து விழுந்திருந்தாலும் அதில் சிறிதும் கவலை கொள்ளாத திராவிடகட்சிகளும்  காங்கிரசு கட்சியும் தமிழனின் முதல் எதிரி என்பதை இன்னும் உணராத இனமாக தம்ழினம் இருக்கும்வரை நாதியற்ற இனம்தான் தமிழினம்.

முல்லைபெரியாரில் உரிமை மீட்கிறாராம் திருமா!

நவம்பர் 5, 2009 § 2 பின்னூட்டங்கள்

முல்லை பெரியாரில் உரிமை மீட்கிறாராம் திருமா!

thiruma

ராமநாதபுரம், திண்டுக்கல், மதுரை, தேனி, சிவகங்கை ஆகிய மாவட்டங்களின் தண்ணீர் தாகம் தீர்க்க ஆங்கிலேயே கர்னல் பென்னிகுக் என்ற புண்ணியவானின் தயவால் உருவாக்கப்பட்ட முல்லைபெரியார் ஆணையில் தமிழனின் தார்மீக உரிமை நாம் அனைவரும் அறிந்ததே. ஆங்கிலேயர் காலத்தில் மேலே குறிப்பிட்ட அனைத்து பகுதிகளுக்கும் ஒழுங்காக நீர் சென்று வந்தது. அணை பலவீனமாக இருக்கு என்று பொய்யான காரணத்தை சொல்லி தண்ணீரின் அளவை 152 அடியில் இருந்து 136 அடியாக குறைத்துவிட்டது கேரளா. இதனால் முல்லை பெரியாரின் நீர் தேனி மதுரை சிவகங்கை மாவட்டத்திற்கு மட்டுமே போதுமானதாகவும் ராமநாதபுரம் நீரின்றி பாலைவனமாகவும் திண்டுக்கல்லில் குடிநீர் தட்டுபாடும் ஏற்பட்டு இருக்கிறது. 16 அடி நீரை குறைத்ததின் காரணாமாகவே சிவகங்கை ராமநாதபுரம் திண்டுக்கல் என்று மூன்று மாநிலங்களும் விவசாயத்திற்கான நீரின் அளவு குறைந்து விவசாயமே கேள்வி குறியாகி நிற்கிறது. இதில் புதிய அணை கட்டுவதுதான் பிரச்சனைக்கு தீர்வு என்று கேரளா முரண்டு பிடிக்கிறது. புதிய அணை எப்பொழுது கட்டுவது? அதில் எவ்வளவு நீர் தேக்குவது?என்று எதுவும் தெளிவாக இல்லை.

இதில் நடுவண் அரசு  நதிநீர் இணைப்பு சுற்றுசூழலை மாசுபடுத்தும் என்கிறது. நிலநடுக்கத்தை முல்லை பெரியாறு அணை தாங்காது என்கிறது கேரளா. புதிய அணை கட்டுவதற்கு நடுவண் அரசு ஆய்வு நடத்த அனுமதி அளித்திருக்கிறது ஆய்வுக்கு பின்னால் அணை கட்ட காங்கிரசு தலைமையிலான நடுவண் அரசு கண்டிப்பாக தடை விதிக்காது என்று நம்பலாம். நடுவண் அரசின் முக்கிய பங்காளியான திமுக ஈழப்பிரச்சனையில்  கையாண்ட அதே ‘அந்தர்பல்டி’ அரசியலை கையாண்டு வருகிறது. ஒரு மத்திய அமைச்சரை எதிர்த்து பேரணி என்று மார்தட்டியவர்கள் காங்கிரசின் எதிர்நடவடிக்கை கண்டதும் வெண்கொடி வேந்தர்களாகி போனார்கள். முல்லைபெரியார் குறித்து வழக்கு உச்சநீதிமன்றத்தில் இருக்கிறதே! என்று காரணம்காட்டிவிட்டு ஒதுங்கி கொண்டது திமுக.

இந்தவேளையில் “எழுச்சி தமிழர்” என்ற அடைமொழியோடு முல்லைபெரியாரின் உரிமைமீட்க  புறப்பட்டு  இருக்கிறார் திருமாவளவன். மதுரையில் இருந்து ஊர்தி பயணம் கிளம்பி இருப்பதாக தகவல்கள் கிடைக்கின்றன. சென்றவாரம் திருமாவின் வருகை குறித்த சுவரொட்டிகள் கண்டேன். “ஈழ பயணமே”, “எழும் தமிழ் ஈழமே”, “ஈழக்காவலனே”, “தமிழகத்து பிரபாகரனே!” என்றெல்லாம் நம்மாளுங்க எழுதி வைத்து இருந்தார்கள். சீருடை அணிந்து கையில் துப்பாக்கியோடு காட்சி கொடுக்கிறார் திருமா.ஆங்காங்கே மீசையை முறுக்கிகொண்டு “மீட்பேன் முல்லை பெரியாறை” என்று முழங்குகிறார் திருமா.

thiruma2

ஏற்கனவே ஈழப்போரை நிறுத்தகோரி சாகும்வரை உண்ணாவிரதம் அறிவித்து பின்னாளில் போரை முன்னின்று நடத்திய காங்கிரசு கூட்டணியில் இணைந்து. சோனியா கலந்துகொண்ட நிகழ்வில் “சோனியா வாழ்க!” என்று முழங்கி. நான் காங்கிரசை ஒரு போதும் எதிர்த்தது இல்லை என்று தன்னிலை விளக்கம் கொடுத்து காங்கிரசிற்காக வாக்கு சேகரித்து. ஈழப்போரை தடுத்து நிறுத்த எந்தவித நடவடிக்கையையும் மேற்கொள்ளாத கருணாநிதிக்கு துணை நின்று.  இறுதியாக ஈழப்பயனத்தில் ராசபக்சேவிற்கு பொன்னாடை போர்த்தி டக்லஸ் என்னும் துரோகியோடு உறையாடி இலங்கை பேரினவாதத்தின் கையில் பரிசுபொருட்கள் வாங்கி கொண்டு தமிழகம் வந்து சேர்ந்து. ஈழ ஆதரவளார்கள் நெஞ்சில் மாறாத வடுவை ஏற்படுத்தியது திருமாவின் நடவடிக்கை.

இப்போது முல்லை பெரியாரில் தமிழன் உரிமை என்று புறப்பட்டு இருக்கிறார்.திமுக அணியில் யாரும் முல்லை பெரியாருக்காக குரல் கொடுக்கவில்லை என்ற பழிச்சொல்லில் இருந்து தற்காத்துக்கொள்ள திருமா களம் இறக்கப்பட்டு இருக்கிறார் என்று எண்ணத்தோன்றுகிறது. காங்கிரசு கூட்டணியில் இருந்து கொண்டு கூட்டணி கட்சியை தட்டி கேட்க துணிவில்லாமல், மத்தியரசின் நிலைப்பாட்டை விமர்சிக்காமல். வெறுமனே உரிமை மீட்கிறேன் என்று கிளம்பி கூட்டம் சேர்த்து என்ன செய்யப்போகிறார் திருமா? துரோகம் செய்வதே திருமாவின் கூட்டாளிகள்தானே?

நாளை  தமிழகத்தை சேர்ந்த காங்கிரசு, திமுக, விசி நாடாளுமன்ற உறுப்பினர்கள் முல்லை பெரியாரை ஆய்வு செய்கிறோம் என்று பிரதமரின் சிறப்பு அனுமதியின் பெயரில் முல்லை பெரியாறு அணைக்கு பயணம் செய்யலாம். அங்கே சென்று குரூப்போட்டா எடுத்துக்கொண்டு அச்சுதானந்தத்திற்கு சால்வை போத்திவிட்டு அவரிடமிருந்து நேந்தரம் சிப்சு பரிசா வாங்கிகிட்டு ஊரு வந்துசேரலாம். தமிழகமுதல்வர் கோயம்பேடு பேருந்து நிலையத்திற்கே வந்து வரவேற்பு கொடுப்பார். அணை பலவீனமாக இருக்கிறது புதிய அணையை பலம்வாய்ந்ததாக கட்ட கேரளா முடிவு செய்துள்ளது அப்படின்னு அறிக்கை கொடுக்கலாம். “அணை பலவீனமாக இருந்தாலும் கேராளாவோடு எங்கள் உறவு பலமாக இருக்கிறது” அப்படின்னு நம்ம முதல்வர் கவிதை வாசித்தாலும் வாசிப்பார்.

முல்லை பெரியார் பார்வையிட சென்ற பாராளுமன்ற உறுப்பினர்கள் பிரதமரை சந்தித்து “புதிய அணையை உடனே கட்டுங்கள்!” என்று அறிக்கை கொடுக்கலாம் அவர்கள் அங்கே அந்த அறிக்கையை அங்கே கொடுக்கின்ற நேரத்தில் நம்ம திருமா வாரம் இரண்டுமுறை வெளியாகும் ஏதேனும் ‘பரபரப்பு’ அரசியல் இதழில்  “முல்லை வலி” என்ற  தலைப்பில் முல்லைபெரியார் அணையை பார்வையிட்ட அனுபவத்தை தொடர்கட்டுரையாக  எழுதி கொண்டிருப்பார்.

கேரளா உருவிய தமிழனின் கோவணமும்! முல்லைபெரியாறு அணையில் தமிழனின் தார்மீக உரிமையும்!

செப்ரெம்பர் 24, 2009 § 3 பின்னூட்டங்கள்

கேரளா உருவிய தமிழனின் கோவணமும்! முல்லைபெரியாறு அணையில் தமிழனின்  தார்மீக உரிமையும்!
vivasaayi

முல்லைபெரியாறு  அணைக்கு மாற்றுஆணைகட்ட ஆய்வினை மேற்கொள்ளுமாறு மன்மோகன்சிங் என்னும் தமிழன் நலம்காக்கும் பாரதபிரதமரின் தலைமையிலான மத்தியரசு கேரளாவிற்கு பச்சைகொடி காட்டி இருக்கிறது. சேட்டன்களும் அணைகட்டுவதற்கு இடத்தினை முடிவுசெய்ததோடு அடுத்தகட்ட பணிகளுக்கு தயாராகிவிட்டதாகதெரிகிறது. ஏற்கனவே மழை பெய்தால்மட்டுமே தண்ணீர் என்றநிலையில் காவேரியும், அணைக்குமேல் அணை என்றுகட்டியதால் பாலாறு வெறும் கனவாகி போய்விட்டது. முல்லைபெரியாரில் கொஞ்சம்போல் தண்ணீர் வந்துகொண்டு இருந்தது அதற்கும் ஆப்பு தயாராகிவிட்டது. வழமைபோலவே தமிழினதலமை உலகத்தமிழர் மாநாட்டிற்கு தோரணம் தொங்கவிடுவதில் கவனமாகஇருக்கிறது.  எதிர்கட்சி என்று ஒன்று இருக்கிறது என்றுகாட்ட அவ்வப்பொழுது அறிக்கைவழியே “சிறுபான்மை அரசு” என்று திட்டிவிட்டு ஓய்வெடுக்க போய்விடுகிறது. முல்லை பெரியாரில் தமிழர்களுக்கு உரிமை இல்லை! என்று உரக்க முழக்கமிடுகிறது கேரளா.
Mullai periyaru 2

முல்லை பெரியார் அணையை பென்னிகுக் என்னும் ஆங்கிலேயே கர்னல் கட்டினார். தனது சொத்துக்களை விற்று கட்டினார் என்பதால் கம்பம் பள்ளத்தாக்கு மக்களுக்கு ஒரு ஆங்கிலேயன் குலதெய்வமாக இருக்கிறார். அணையை கட்டிய ஆங்கில அரசு சென்னைமாகாணத்திற்கும் திருவாங்கூர் சமஸ்தானத்திற்கும் இடையே புரிந்துணர்வு ஒப்பந்தத்தினை 999 ஆண்டுகள் செல்லுபடியாகும்படி இயற்றி இருக்கிறது. அணையை பயன்படுத்துவது மற்றும் பழுதுசெய்வது என்று எல்லாஉரிமைகளும் தமிழர்கள்வசம் என்கிறது அந்த ஒப்பந்தம். அணையை மீளக்கட்டுவது என்று ஒருபேச்சுக்கு வைத்து கொண்டால்கூட அதனை தமிழர்வசமே ஒப்படைக்க வேண்டும். ஆனால் ஆங்கிலேயர்போட்ட ஒப்பந்தம் இப்பொழுது செல்லாது என்று கேரளாவும் மத்தியஅரசும் ஒருமித்த கருத்துடன் செயல்படுகின்றன. இவர்கள் உலகளவில் இருக்கும் நடப்புகளை அறிவார்களா? என்றே தெரியவில்லை.  போதை பொருள் விற்பவர்களிடம் ஒரு நாடு இருந்தும் ஒப்பந்தம் காரணமாக சமீபத்தில் விடுவிக்கப்பட்டதும்(ஹாங்காங் 2000 ஆண்டுவரை அங்கிலேயர் வசமிருந்து பின்னர் சீனாவின் அங்கமான வரலாறு), கியுபாவில் ஒப்பந்தம் காரணமாக ஒருசிறைச்சாலை அமெரிக்காவசம் இருப்பதும் இவர்கள் அறிவார்களா? என்று தெரியவில்லை.  உலகளவில் ஒப்பந்தம் என்பது அவ்வளவு எளிதாக மீறமுடியாது என்பதும் 999 ஆண்டுகள் கழித்தே அந்த அணையின் மீது அவர்களுக்கு உரிமை உள்ளது என்பதையும் எடுத்து சொல்ல தமிழகத்தில் ஒரு தலைவன் இல்லை என்பது வேதனையிலும் வேதனை.

அணைபலவீனமாக இருக்கிறது என்பது உண்மைக்கு புறம்பானது என்று நிபுணர் குழுக்கள் கூறியுள்ளது. அணையை வேறு இடத்திற்கு மாறும்பொழுது அணைமீதான தமிழனின் தார்மீக உரிமைகள் மறுக்கப்படும். அணை முழுக்கமுழுக்க கேரளாவிற்கு என்றாகிவிடும் அவர்கள் மனதுவைத்தால் மட்டுமே தமிழனுக்கு தண்ணீர். எவ்வளவு தண்ணீர்தேக்குவது எப்பொழுது தண்ணீர் திறப்பது என்று கேரளாவே முடிவுசெய்யும்.புதிய அணைகட்டவேண்டும் என்றாலும் அதனை தமிழன்தான் தீர்மானிக்க வேண்டும். அணைபலவீனமானது என்று நிருபிக்கபடாதவேளையில் மத்தியஅரசு எப்படி புதிய அணைக்கு பரிந்துரைக்கலாம்? என்று கொதித்து எழவேண்டிய தமிழக தலமைகள் படுத்த இடத்தில் இருந்து எந்திரிக்க முடியாதபடி கோமாவில் கிடக்கின்றன. இந்த லட்சணத்தில் உலகத்தமிழர் மாநாடு வேறு. மொழிவாரியாக மாநிலம் பிரிக்கப்பட்டபொழுது எவ்வித நீர் ஆதாரமும் இன்றி, முல்லை பெரியாரில் உரிமை என்ற ஓட்டு கோவணத்தோடு தமிழன் இருந்தான் இன்று அந்த கோவணமும் களவாடப்பட்டுவிட்டது.  மத்தியரசிற்கு செல்லநாய்குட்டியாக ஆளும்கட்சியும் மக்கள் பிரச்சனைகளை அறிக்கைகள் மூலம்மட்டுமே எதிர்கொள்ளும் எதிர்கட்சியும் இருக்கும் தமிழ்நாட்டில் தமிழன் கோவணம் தொடந்து உருவப்படுகிறது.

முல்லை பெரியாறு அணையின் கட்டுமானப்பணியில் ஈடுபட்டவர்கள் பெரும்பான்மையாக தமிழர்களே! தமிழர்களின் வரிப்பணம் கொண்டே அணைகட்டப்பட்டது. அணை கட்டும்பொழுது பலபேர் இன்னுயிர் நீத்துள்ளனர். பென்னிகுக் என்ற ஆங்கிலேயன் ராமராதபுரத்தின் வறட்சி கண்டு இந்த திட்டத்தினை நிறைவேற்றினான். அடிமைபட்டு கிடந்த காலத்தில் நமக்கு குடிக்க தண்ணீர் குடுத்தான் ஆங்கில கர்னல். இன்று சுதந்திர இந்தியாவில் கேரளாக்காரன் தமிழனுக்கு தண்ணீர் இல்லை என்கிறான் தண்ணீரை உயர்த்த உச்சநீதிமன்றம் தீர்பளித்தால் கேரளா சட்டமன்றம் தன்னிச்சையாக அதற்கு தடை விதிக்கிறது.  தமிழர்கள் சரியான தலைமையை தேர்ந்தெடுக்க தவறியதால் தொடர்ந்து தனது உரிமைகளை இழந்து வருகிறார்கள்.

இந்தியாவில் இருக்கும் அனைத்து தேசிய இனங்களும் தமது வாழ்வியல் உரிமைகளை கட்டமைப்பதில் கவனமாக இருக்கும் வேளையில் நாம் மட்டும் தனிநபர்களின் சுயலாபங்களுக்கு ஒரு இனத்தின் வருங்காலத்தை அடகுவைப்பவர்களாக இருக்கிறோம். இதுபோன்ற ஆளும்கட்சியும், எதிர்கட்சியும் இருக்கும்பொழுது மத்தியில் ஆள்பவர்கள்  தமிழனுக்கு எதிராக எதைவேண்டுமென்றாலும்  செய்யலாம். நீராதரமின்றி தமிழன் பொருளாதாரஅகதிகளாக  மாறும்நாள் வெகுவிரைவில் இல்லை.

mullaiperiyar

முல்லை பெரியாறு சுருக்கமான வரலாறு !

கேரளத்தில் மேற்குத் தொடர்ச்சி மலையில் உற்பத்தியாகி மேற்கு நோக்கி கடலில் கலந்த பெரியாறு, முல்லை நதிகளுக்கு இடையே அணை கட்டும் பணியை 1874-ல் தொடங்கியவர் பிரிட்டனைச் சேர்ந்த பொறியாளர் பென்னிக்குயிக்.அரசு நிதி உதவியுடன், அடர்ந்த வனப்பகுதியில் 3 ஆயிரத்து 500 அடி உயரத்தில் மேற்கொள்ளபட்ட இந்த அணை கட்டும் பணி ஆரம்பக்கட்டத்தில் தோல்வி அடைந்தது. இதனால் அரசு தனது நிதி உதவியை நிறுத்திவிட்டது. எனினும், பென்னிக்குயிக் தனது சொத்துக்களை விற்று, அணை கட்டும் பணியைத் தொடர்ந்தார்.

1886-ல் அன்றைய திருவாங்கூர் மகாராஜாவுக்கும், அப்போதைய சென்னை மாகாண அரசுக்கும் இடையே ஏற்பட்ட ஒப்பந்தத்தின் மூலம் பெரியாறு அணை கட்டும் திட்டம் செயல்படுத்தப்பட்டது. 1895-ல் திட்டம் முடிக்கப்பட்டது.

1886ம் ஆண்டு அக்டோபர் மாதம் 29-ம் நாள் ஓர் ஒப்பந்தம் கையெழுத்தாயிற்று. அது திருவாங்கூர் மன்னருக்கும் சென்னையில் இருந்த பிரிட்டிஷ் அரசுக்கும் இடையே பெரியாற்றில் ஓர் அணை கட்டவும், அதில் தேங்கும் நீரினை ஒரு குகை மூலமாகத் திருப்பி, சென்னை மாகாணத்தில் இருந்த மதுரை, ராமநாதபுரம் ஜில்லாக்களில் வறண்ட நிலங்களில் பாசனம் செய்யவும் வகை செய்தது. இந்த ஒப்பந்தம் 999 ஆண்டுகளுக்குச் செல்லுபடி ஆகும் என்றும் குறிக்கப்பட்டது.

அதன்படி 1895-ம் ஆண்டு அணை கட்டி முடிக்கப்பட்டு செயல்படத் தொடங்கியது. அறுபது ஆண்டுகள் எவ்வித சிக்கலும் இன்றி பாசனம் நடந்து வந்தது. இந்த இடைப்பட்ட காலத்தில் இந்தியா சுதந்திரம் அடைந்தது. அங்கே கேரள அரசு உதயமானது. இங்கே தமிழ்நாடு அரசு ஏற்பட்டது.

1955-ம் ஆண்டு பெரியாறு தண்ணீர் தமிழ்நாட்டில் நுழையும் இடத்தில் மின் உற்பத்தி செய்வதற்கு ஒரு திட்டம் வகுக்கப் பெற்றது.

அதற்காக ஒரு புதிய ஒப்பந்தம் போடப்பட வேண்டும் என்று முடிவாகி 1970-ம் ஆண்டு மே மாதம் 29-ம் நாள் கேரள அரசுக்கும் தமிழ்நாடு அரசுக்கும் இடையே, பழைய ஒப்பந்தத்தின் தொடர்ச்சியாக புது ஒப்பந்தம் கையெழுத்தாயிற்று. முதல் ஒப்பந்தத்தில் அணை கட்டுவதால் நீரில் முழ்கும் 8000 ஏக்கர் நிலத்துக்கு வாடகையாக ஆண்டுதோறும் ஏக்கருக்கு 5 ரூபாய் வீதம் மொத்தம் 40,000 ரூபாய் பிரிட்டிஷ் நாணயமாக சென்னை அரசாங்கம் திருவாங்கூர் மன்னருக்குத் தர வேண்டும் என்று இருந்தது (திருவாங்கூர் சமஸ்தானத்தில் அப்போது சக்கரம் என்ற பெயரில் வேறு நாணயம் புழங்கி வந்ததால் பிரிட்டிஷ் நாணயம் என்று குறிக்கப்பட்டது).

மின் உற்பத்திக்காக போடப்பட்ட புதிய ஒப்பந்தத்தில், மூழ்கடிக்கப்பட்ட நிலம் 8000 ஏக்கருக்கு வாடகை 30 ரூபாய் என உயர்த்தப்பட்டது. அதன்படி 2,40,000 ரூபாய் ஆண்டுதோறும் கேரள அரசுக்குத் தமிழ்நாடு அரசு செலுத்தி வருகிறது.

கடந்த 27 ஆண்டுகளாக பெரியாறு அணையின் முழு நீர்மட்டம் 152 அடியிலிருந்து 136 அடியாக குறைக்கப்பட்டு விட்டதால், நீரில் மூழ்கும் நிலம் 8000 ஏக்கராக இல்லாமல் 4677 ஏக்கராகக் குறைந்துவிட்டது. இவ்வாறு வெளிப்பட்ட நிலங்களில் கேரள அரசு பலவிதமான சுற்றுலா கேளிக்கை சாதனங்களை நிறுவியுள்ளது. ஆனால் தமிழ்நாடு அரசு 8000 ஏக்கருக்கான வாடகைப் பணத்தினை தவறாமல் செலுத்தி வருகிறது.


Where Am I?

You are currently browsing the முல்லைபெரியாறு category at தமிழன்பன் பக்கம்.